Autores Varios - Documents de la pintura valenciana medieval i moderna III

Et sic promiterunt partes predictas omnia et singula super dicta servare, singula singulis referendo, et cetera. Obligando, scilicet, dictus Anthonius Gaçó bona manumisorie, et pictores bona propria, et cetera.

Testes, venerabilis Bernardus de Carcio, 24 in legibus licenciatus Valentie, et Francischus Martorelli, Barchinone ecclesiasticarum canonici.

Die veneris, quinta febroarii anno CCCC oVI o, dicti Gueraldus Gener et Gondissalvi Pèriç confessi sunt habere a dicto Anthonio Gaçó viginti libras, quas dictus eis habebant cum retrotabulum fuissi factum de fusta .

Testes, dicreti Petrus de Pina, presbiter beneficiatus in ecclesia Sancti Iohannis de Mercato, et Iohannes Lòpiç, scriptor.

Die martis, XXXX amartii CCCC iVI i, dicti pictoris fecerunt apocam Anthonio Gaçó, presenti, et aliis viginti libras, quas, et cetera.

Testes, discreti Ludovicus Civera, presbiter, et Iacobus d’Olesa, scriptor Valentie. Die mercurii, XXVII aprilis anno CCCC oVII o, dicti Gueraldus et Gondissalvus fecerunt apocam de viginti libras residuiis. Ítem, sunt contenta, videlicet, LX libras, inclusis aliis apocis. Ideo, volunt quod contractus cancelleretur quantum eos tagunt.

Testes, Iacobus d’Olesa, scriptor, et Bernardus del Mas, clericus.

229 .

1405, novembre, 27. València.

Pau i treva signada entre Joan Falgars, teixidor de llana, i els seus fills Joan i Vicent Falgars, paraires, d’una part, i Guillem Estrany, teixidor, i el seu fill Guillem, pintor, seguit del contracte matrimonial entre el dit Guillem Estrany i Margarida, filla de Joan Falgars .

ARV, Notal de Guillem Tamarit , núm. 2.853.

Die veneris, XXVII mensis novembris anno predicto CCCC oquinto. In Christi nomine eiusque divina gratia, amen. Pateat universis presentem seriem inspecturis quod nos, Iohannes Falgars, maior dierum, textor lane, et Iohannes Falgars ac Vincentius Falgars, eiusdem Iohannis Falgars filii, paratores pannorum, per se ipsos et valituros suos, ex una parte, et Guillermus Estrany, textor, ac Guillermus Estrany, eiusdem Guillermi filius, pictor, per se ipsos et valituros suos, ex parte altera, omnes vicini civitatis Valentie, scientes et attendentes inter nos aliquibus de causis diu est fore suscitata brica et distenssio, occassione cuius fuerit subsequta aliquis vulnera et etiam possent assequi multa inconvenientia, pericula et scandalla corporum et bonorum utriusque partis nostrum. Considerantes quod ex bricis et malivolentiis ac pravis operibus et cogitationibus non potest nec posset consequi nec procedi in personis et in bonis nisi malum, filio iniquitatis seminatore zizeniarum tractante et operante, propter quod, ob Dei reverentia et honorem ac tractatu aliquorum amicorum ac bonarum personarum utriusque partis nostrum intervenientum, venimus inter nos ad bonam amititiam, federationem et concordiam ac pacem perpetuam cunctis diebus vite nostre et treugam duraturam inter nos ad centum et unum annos, prout inter fideles christianos Deum timentes et proximum suum diligentes esse debet et bonorum intersit se bonis operibus adherere et paces ac federationes perquirere et a bricis ac malis et pravis cogitationibus fugire. Idcirco, tenore presentis publici instrumenti suo robore perpetuo valituri et in aliquo non violandi, nos omnes per nos et valituros nostros presentes pariterque futuros gratis et ex certa scientia partimus, remittimus, difinimus et indulge-mus ac etiam relaxamus altera pars nostrum alteri adinvicem et vicissim omnem ranchorem animi, malivolentia cordis, iraque, odium, indignationem ac malam voluntatem, et omnes actiones, questiones, petitiones et demandas, reales et personales, et penas universas et singulas, civiles et criminales, et quaslibet alias quas una pars nostrum contra alteram adinvicem et vicissim habent seu habere debet ac pertinent seu expectat atque posset facere, proponere, movere seu intemptare a toto tempore preterito usque in hunc presentem diem ratione et occassione quarumcumque ricxarum seu discordiarum vulnerum inter nos quavis causa illatarum, habitarum et sustitatarum, absolventes, quitantes et liberantes nos, dicte partes, adinvicem et vicisim cum omnibus bonis, rebus et iuribus nostris ab universis et singulis prelibatis, et facimus de eisdem omnibus nobis et nostris adinvicem et vicissim altera pars nostrum alteri bonum et perpetuum finem ac pactum expressum de ulterius non petendo sive de non conveniendo civiliter vel criminaliter in curia et extra curiam ac in iudicio et extra iudicium nec alibi pro premissis ullo modo. Super quibus omnibus et singulis preexpressis dependentibus et emergentibus ac connexis ex ipsis nobis et nostris cum presenti ex certa scientia et expresse pasciscentes et stipulantes super hiis imponimus scilentium sempiternum, prout melius, sanius et utilius dici, scribi et intelligi potest ad nostri et nostrorum et cuiusvis nostrum perpetuum comodum ac etiam salvamentum. Insuper, assecurantes nos adinvicem et vicissim paucemque perpetuam et treugam duraturam ad dictum tempus facientes, promittimus et fide bona convenimus altera pars nostrum alteri adinvicem et vicissim et pasciscimur firma et solempni stipulatione in hiis legitime, intervenientibus ac virtute sacramenti et homagii per nos inferius prestandorum in posse et manibus venerabilis Nicholay de Tamarito, iustitie criminalis Valentie presentis anni, ut iudici ordinario, et notario infrascripto, ut publice persone nomine domini nostri regis et omnium quorum interest vel intererit, quod de cetero ullo unquam tempore non dicemus, movebimus, intemptabimus, dabimus, faciemus, tractabimus, perpetrabimus, inferemus aut procurabimus dicique moveri, intemptari, fieri, dari, tractari, procurari seu perpetrari faciemus nec permitiemus, sustinebimus aut consentiemus, verbis factis aut dictis operibus vel scriptis aut quovis alio modo per nos aut nostros seu personam vel personas interpositas, palam vel occulte, die aut nocte, in personas, res, bona et iura nostra et cuiusvis nostrum altera pars contra alteram adinvicem et vicissim, malum, iniuriam, dampnum, odium, opprobrium, vituperium, gravamen seu detrimentum aliquod vel interesse ratione et occassione quarumcumque ricxarum seu discordiarum ac vulnerum inter nos a toto tempore preterito usque in hunc presentem diem habitarum, sustitatarum et illatorum, quod si fecerimus quod ab sic volumus et nobis adinvicem concedimus per specialem pactum in hoc contractu apositum et inhitum inter nos expresse et de certa scientia, quod pars contrafaciens et iniurians modis superius enarratis incurrat ipso facto penam ducentorum morabatinorum auri de bonis contrafacientis, solvendorum medietatem parti dictas pacem et treugam servanti et aliam medietatem fisco domini regis, pro quo dictus iustitie et legitime stipulantis simul cum notario infrascripto, ut publice persone predicta stipulanti nomine omnium aliorum quorum intersit. Et ultra dictam penam predictorum ducentorum morabatinorum auri, volumus nos, dicte partes iamdicti pacti vigore, quod pars contrafaciens et iniurians modis predictis, ut dictum est, ipso facto incurrat penam periuri, proditionis et bausie et pro perfido, proditore et bausatore habeatur hic et ubique in curia et extra curiam iuxta consuetudines Catalonie et forum Aragonem, de quibus se excusari minime valeat aut tueri possit modo aliquo seu defendi suis propriis armis vel alienis. Ymmo sic talis et pro tali habeatur in curia et extra ac in omni iudicio et extra iudicium, et etiam in quocumque loco cum testimonio presentis publici instrumenti ac ipsi contrafacienti detur penam in corpore, bonis et rebus ipsius, mobilibus et immobilibus ac semoventibus, privilegiatis vel non privilegiatis, ubique poterint reperiri, iuxta sui meritum quod ordinata est dari baris et proditoribus, non obstante foro sive foris Valentie loquentibus quod certi et expressi sint casis quibus vel eorum aliquo per aliquem comissis quis comittens proditor eficitur. Etiam volumus et concedimus nos, dicte partes, et super hiis obligamus nos adinvicem et vicissim in manu et posse dicti iustitie, ut iudici ordinario, et notarii infrascripti, tanquam publice persone, ab uterque parte nostrum legitime stipulantis et recipientis quod si aliquis nostrum contra presentem pacem perpetuam atque treugam vel aliquo predictorum venerit, incurrat ipso facto penam predictam proditionis et bausie, tanquam si comisisset casus illos vel aliquem illorum pro quos ut pretangitur iuxta dictum forum proditor eficitur sive bare. Volentes et expresse consentientes nos, iamdicte partes, quod sola presentis publici instrumenti hostenssione vim pacti sententie legitime late et transacte in rem penitus iudicatam obtinentis in hac parte acusatione, denuntiatione seu libello, oferendis seu proponendis, aut inscriptis aliqua requisitione danda minime expectatis, sed sola nuda verbali instantia et requisitione partis ofensse et iniuriate facti veritate dumtaxat inde attenta iuris, ordine atque fori in totum vel partem non servato set penitus pretermisso, cui expresse et ex certa scientia renuntiamus, penitus et omnino de presenti fiat et fieri possit executio civiliter et criminaliter realiter et de facto in persona et bonis de et in illum qui contraveniter ab predicta modis superius expressatis. Et pro hiis omnibus et singulis sich complendis et firmiter attendendis ac inviolabiliter observandis, obligamus altera pars nostrum alteri adinvicem et vicissim in posse dicti iustitie, ut iudicis ordinarii, et dicto domino regi, licet absenti, et notario infrascripto, loco et nomine ipsius ab utroque nostrum legitime stipulanti et recipienti, personas nostras et omnia bona nostra, mobilia et immobilia ac semoventia, ubique habita et habenda. Et ut predicta omnia et singula maiori gaudeant firmitate, tactis a nobis et a quolibet nostrum manibus nostris dexteris sponte et corporaliter in manu et posse dicti venerabilis iustitie criminalis Valentie presentis anni ac notarii infrascripti, ut publice persone pro uterque parte nostrum adinvicem et vicissim, recipientis sacrosanctis Dei quatuor Evvangeliis, iuramus per Deum et dicta sancta quatuor Evvangelia in animas nostras et cuiuslibet nostrum predicta omnia et singula tenere et servare et non contrafacere vel venire de iure vel de facto aliqua ratione. Ymmo promittimus et pasciscimur omnia et singula supradicta altera pars nostrum alteri adinvicem et vicissim stipulata et promissa rata, grata, valida adque firma semper habere, tenere et inviolabiliter observare et non contravenire nec contravenientibus consentire palam vel occulte aliqua ratione. Et nichilominus, pro uberiore securitate et cautela omnium premissorum, facimus altera pars nostrum alteri adinvicem et vicissim ac prestamus in manibus et posse dicti venerabilis iustitie, ut iudicis ordinarii loco et vice dicti domini regis in hac parte recipientis, fidem et homagium verum et fidelis ore et manibus comendatum, quorumquidem iuramenti et homagii virtute quisque nostrum, dictarum partium, convenimus et stipulamur ac pasciscimur in posse et manu notarii infrascripti, ut publice persone nomine omnium quorum interest vel intererit legitime stipulantis et recipientis, sponteque renuntiamus foro prohibenti de homagio non prestando et omni alii cuilibet iuri, foro, consuetudini ac constitutioni contra hec venientibus quoquomodo. Quod est actum Valentie.