Hans Schimmel - Wie im Lewe

was de Kellner det erschrecke.

Die Sunn werd heißer, mer wird‘s warm,

langsam heb isch mein Unnerarm

un hab dann, des iss ungeloche,

a noch unnerm Arm geroche,

ob net etwa Achselnässe,

lässt de Kellner misch vergesse.

Fünf Mol heb isch dann noch die Hand,

der Kerl rennt weiter dursch des Land

und bedient ganz ubenumme

Leit, die erscht viel später kumme.

Na wart mol Berschtl, isch kumm glei,

mit de große Kell vorbei.

Denn fer dei bleedi Ignoranz,

kanscht erwarte glei en Danz,

denn mit so em leere Mage

platzt mir jetzert glei de Krage.

Als der durch die Dischreih geht,

steh isch uff und der Kerl dreht

sich werklisch zu mir um.

Die Nas ganz hoch un määnt ganz dumm,

als wär isch e Ugeziefer,

dem bresch isch glei de Unnerkiefer.

Mache sie sich nicht so breit,

sie sehen doch, isch hab kää Zeit.

Der Herr dort driwwe b‘stellt grad Fisch,

außerdem isch‘s net mein Disch.

Was mach isch blos, schlag isch jetzt druff,

uff die dabbisch Kellnerbirn,

reg isch misch ganz lautsark uff,

mit dicke Adere uff de Stirn?

Doch dofir bin isch ugeloge

efach nur zu gut erzoge.

Ich wer uffsteh un dann gehe,

do werd mer mich ach nimmi sehe.

Ich geh in e anneres Haus

un such mer dort en Kellner aus,

der sich gar net an mer stert,

misch so bedient wie‘s sich gehert.

Außerdem isch`‘s jetzt bald Zeit

un isch mach mich schunn bereit,

am Sunntag Owend Dienscht zu mache,

im Krankehaus, denn do gibt’s Sache,

die leider niemand Freude mache.

So en Notdienscht, der is wichtisch,

denn manche Leit erwischt‘s halt rischtisch.

Uff emol häär isch e Gejammer,

e Geheule un Geschrei,

deswege lenk isch a mei Schritte glei,

zu de Dier un mach se uff,

doch in dem Moment glei druff

do wääs isch, heit is Feierdag,

denn uff de Bahre liegt en Mensch

un isch wees… denn kennsch.

Herr Dokter kumm, denn isch verblut,

weil en Gascht heit voller Wut,

noch mer en Deller g‘schmisse hot.

Jetzt hab isch im Kopp e Loch

un der Kerl der lacht ach noch.

Mir iss es gar net jetzt zum scherze,

denn dess sinn ganz irre Schmerze.

De Kellner vun dem Kaffehaus,

sieht ganz weiß un kääsisch aus.

Man sieht es glei, dem geht‘s net gut.

Wie gut mir im Moment des dut,

als isch sach, es dut mer leid,

ich hab leider gar kää Zeit,

ach wenn se blute fürchterlich,

leider is dess net mein Disch.

* * *

Fünfefufchzisch – 55- Doppelt gebratener Reis mit Rindfleisch beim Chinesen

Kumscht jetzt odder kummscht net - kommst du nun oder kommst du nicht.

Dieser Ausdruck ist nicht als Frage zu verstehen sondern als sogenannte letzte Aufforderung, bevor etwas passiert oder auch nicht passiert. Im Regelfall kommt jetzt beim erwachsenen Kurpfälzer der Ausdruck "Heb misch doch in‘d Schees".

hä(ää)? - Entschuldigen Sie bitte, ich habe das soeben Gesagte akustisch nicht richtig verstanden. Könnten sie eventuell, wenn sie so freundlich wären, es noch einmal wiederholen?

Wichtigstes Kurpfälzisches Wort, da es in ca. 234 verschiedenen Betonungen ca. 346 verschiedene Bedeutungen haben kann

enweck - ein Brötchen.

Текст предоставлен ООО «ЛитРес».

Прочитайте эту книгу целиком, купив полную легальную версию на ЛитРес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.