Hans Schimmel - Wie im Lewe

un des is e Bereicherung,

fer dess eheliche Lewe,

so isses ewe.

Ich lächel glicklisch, guck se o,

du hoscht völlisch recht, mei Fro.

Was sin schun zwee drei Härcher wert,

schlimmer wär es umgekehrt.

Mei Fraa, die sacht, ach wescht, mein Schatz,

e schäänes G‘sischt, des braucht halt Platz.

* * *

Isch hab en Schbreißl – doppeldeutig. Entweder einen Holzsplitter im Finger oder einen dünnen Hungerhaken als Ehemann

du bringscht misch uffs Quetschebäämel – pass‘ ja auf, du machst mich nervös oder zornig.

Wörtliche Übersetzung: Du bringst mich dazu, auf einen Zwetschgenbaum = Pflaumenbaum zu steigen. Was wir dort wollen? Nicht fragen, sonst bringen Sie uns aufs Quetschebäämel.

Dischbediere - Eine Diskussion führen. Klappt besonders gut mit ein paar Bierchen im Wirtshaus.

Dreiedreisisch – 33- Pizza mit scharfer Salami, Pilzen und Knoblauch.

Die Perlekett

Vor ääner Woch, do war isch grad

mit meiner Gattin in de Stadt.

Sie war freindlich, sie war nett,

hängt an meim Arm, fascht wie e Klett.

Un in Sekunde war mir klor,

Mann, pass uff, do geht was vor.

Es hot a gar net lang gedauert,

als hätt sie grad do druff gelauert,

mir im rischtische Moment

zu dricke, was ihr uff de Sääle brennt.

Isch hoff, du hoscht es net vergesse,

nägschti Woch, du weescht was iss,

sacht sie leis und zeigt Gebiss.

Des Ganze uff e Art un Weise,

dass isch net wees,

will se jetzt lache, odder beiße?

Isch tu so als hätt isch nix g‘hert,

des hot mei Gattin a glei g‘stert.

De Blick werd hart, de Gang gehemmt,

sie sich mir fescht entgege stemmt:

Isch hab Gebortsdag, hoschts vergesse?

Dess hot g‘sesse.

Dass du‘s weescht, vergess es net,

Isch will ä Auto odder ä Perlekett.

Nadirlich hab isch souverän

un fer misch ganz ogenehm,

ganz lässisch, wie en Mann vun Welt,

als würds net hapern an dem Geld

erklärt.

Mein Schatz, isch hab disch net vergesse.

Mei Gedanke drehe sisch,

was isch sach iss net vermesse,

die ganz Zeit doch nur um disch.

Mei Fraa war platt

un hätt doch glatt,

weil isch hab es net vergesse,

misch abgschleckt, mitte uff de Gass.

Mein Hinweis hot genau so g‘sesse,

dessweche hab jetzt isch de Spaß.

Was sie kriegt hot, wollt ihr wisse?

Ja, dess iss doch sonneklar.

Sie hot sisch g‘freet, un mei Gewisse,

dess fiehlt sisch efach wunderbar.

Gekriegt hot se ä Perlekett,

weil falsche Autos, gibt’s jo net.

* * *

Mei Aldi - Meine Alte, meine Frau, meine Gattin.

Das Wort Aldi hat nichts mit dem gleichnamigen Discounter zu tun, der sich seinen Firmennamen scheinbar nach einem Besuch in der Kurpfalz zugelegt hat. Es bleibt weiterhin zu prüfen, ob hier nicht ein Urheberrecht verletzt wurde.

Mei Fraa, mei Froo, mei Aldi - Ehefrau, Gattin, Herzallerliebste.

Je nachdem, in welchem Gemütszustand sich der Gatte befindet, verwendet er unterschiedliche Ausdrücke, um seine Partnerin zu bezeichnen.

Griescheland

Es nähert sisch die Urlaubszeit

un dann is‘es bald soweit,

dass du disch entscheide muscht,

fliegscht du ans Meer, gehscht in de Busch?

Willscht du relaxe un entspanne,

am Meer e Segelboot bemanne?

E fremdes Land un a Kultur

un vum Alldach gar kää Spur.

Ach wie schää war Griescheland,

vor drei Johr noch, un isch fand

die Mensche dort so wunderbar,

die Sunn so schää, dess Wasser klar.

Die zeigte mir dann, wie man sisch,

a mit wenisch Geld,

ganz Klasse üwwer Wasser hält.

Entspannt am Mittag Siesta mache,

fröhlich lächle odder lache.

Arbeit macht mer wie mer will,

awwer jo kään Strich zuviel.

In Rente geht’s ach net im Alter,

dess wär des Guten a zuviel.

Liewer iss mer de Verwalter,

vun Esse, Liebe, Sport un Spiel.

Reschpekt, hab domols isch gedacht,

die zeige uns, wie man dess macht.

De Staat, der gibt sein Deel dezu

un die Mensche gewen Ruh.

Der Staat der muss ganz gut verdiene,

um all sei Rentner zu bediene.

Wo nimmt der bloß sei Kohle her?

Die Frog, die stell isch heit net mehr.

Dank dem Euro un EU,

setze die sisch dort zur Ruh.

Lauder Schulde im Genick,

lebt mer fer de Ageblick.

Denn was später kummt, des iss dann wurscht,

do hilft de Ouzo gege Durscht.

Die leide ach kää Höllequale,

denn ihr Schulde, die dun annere zahle.

Fer was gibt’s dann de deitsche Mischel?

Guckt‘s eisch o, den dumme Depp.

Der schafft, bis en die Mondessichel,

holt Owends vun de Ärwet weg.

Solle die Idiote Steuern zahle,

derweil bei uns, die Mühle langsam mahle.

In unserm schääne Griescheland,

wo mer des Spare net erfand.

Milliarde werde riwwer g‘schafft,

un direkt denoch verprasst.

Schließlich hawwe mer‘s verdient,

dass mer uns weiterhin bedient.

De deitsche Steierzahler iss so blääd,

ahnt net, was do dehinner steht.

Denn wenn des Griesche Land erkrankt,

die Großfinanz um‘d Kohle bangt.

Die Politik braucht net zu mähne,

dass mer uns nach dem Euro sehne.

Die Mark war gut. Un wer se kennt,

sisch gerne vun dem Euro trennt.

Un ach vun manchem Mitgliedsstaat,

der doch nur leere Dasche hat.

Leit, losst eisch kään Scheiß erzähle,

vun denne, die ihr sollen wähle,

damit es uns bald besser geht.

Määnen die dann, mir sin blääd?

Leider kenn isch kää Partei,

die net plant e Sauerei,

um uns weiterhin zu schröpfe

un dann die Kohle abzuknöpfe.

Doch die kenne mer unnerwannern

un wie?

Wählt immer nur die Annern.

* * *

Meenscht isch hab en Geldschisser? - Meinst du, das Geld liegt auf der Straße? Ich habe schwer dafür gearbeitet.

Spruch des Kurpfälzers, der mit seiner Gattin einkaufen geht.

Du kanscht mer mol de Howwel blose -Ich gedenke nicht deiner Aufforderung nachzukommen.

Die wörtliche Übersetzung lautet $%&?/&%!!!!, und wurde aus Jugendschutzgründen verschlüsselt. Die Originalübersetzung wird Ihnen nach der Einsendung einer Kopie Ihres Personalausweises, einer notariellen Beglaubigung und der Unterschrift von vierundzwanzig Zeugen per Emil = E-Mail zugestellt.

Im Cafe

Neilisch war isch im Cafe,

die Sun, die schien g‘rad richtisch schää,

ich find ach noch en freie Disch,

also setz isch misch.

Alles war so schää entspannt,

Paare wannern, Hand in Hand,

de Verkehr, der fließt vorbei,

genau so muss en Sunndag sei.

Bedienung… hallo isch bin do,

un im Moment grad sowieso,

hab isch grad jetzt en Riesedorscht,

doch de Bedienung is des Worscht.

Der dut grad so, als wär isch Luft

un in mei Nas zieht grad de Duft,

vun uffgebriehte Kaffebohne.

Doch leider sin die net fer mich,

sondern fer de Newedisch.

Langsam werd isch richtisch sauer,

denn schunn seit geraumer Dauer,

in dem komisch Kaffehaus,

kumme Leit un gehe raus.

Die hawwe alle was zu trinke,

nur isch, isch du vergeblich winke.

Unufffällisch guck isch dann,

an mir runner, doch isch kann,

nix Verdäschdisches entdecke,