Адам Мальдис - Восень пасярод вясны

Пра далейшы лёс Міхаіла Серабракова нічога невядома. Мусіць, пайшоўшы ў адстаўку, вярнуўся ў свой Звянігарад.

Нашчадкі Грывы і сёння жывуць у Палушах. Адзін з іх, празваны Баечнікам (на кожную аказію ў яго быў вершык), і расказаў мне сямейнае паданне: пра трагічны лёс свайго прадзеда, ягоную ўнучку, што гаспадарыла ў Анеліне, «правадыра паўстанцаў», які прыязджаў туды, і «нейкага слыннага паэта». Спачатку я не прыдаў расказу асаблівага значэння, але потым, супаставіўшы розныя друкаваныя і рукапісныя крыніцы, прыйшоў да вываду, што Сыракомля, і Каліноўскі, і Маеўская ўсё ж маглі сустрэцца ў Анеліне на пачатку красавіка 1861 года. І паводзіць сябе так, як апісана ў аповесці.

Пахвалёны Ісус Хрыстос (лац.)

На векі вякоў! (лац.)

Чалавек мяркуе, а бог вырашае (лац.)

Кварта — мера сыпкіх рачываў і вадкасцей, чацвёртая частка гарнца, роўная прыкладна 0,7 л.

«Сведчу, што гэта карчма з’яўляецца лепшай у Літве, а можа быць, і ва ўсім свеце!» (польск.)

Сасы — саксонцы (польск.)

Масляч — густое віно з прывялага вінаграду.

Спірытус — дух (лац.)

Кузын — стрыечны брат, кузен.

Урочая пейзанка — прыгожая сялянка.

Ці вы гаворыце па-літоўску? (літ.)

Цуг — цягнік (ням.)

Вядэнская — венская (польск.)

Бангофы — вакзалы (ням.)

Генерал Л. Мераслаўскі — адзін з кіраўнікоў польскага вызваленчага руху, дзейнічаў пераважна ў эміграцыі.

Ілірыйцамі ў XІX стагоддзі называлі жыхароў цяперашняй Югаславіі.

Акавіта — жывая вада (лац.). У гэтым кантэксце — спірт.

Браты С. і М. Аргельбрант’ы — віленскія і варшаўскія кнігадрукары ХІХ ст., праславіліся выданнем энцыклапедый.

Адам Міцкевіч, Юльюш Славацкі і Зыгмунт Красінскі — польскія паэты-рамантыкі.

Жытнёвік — няшлюбнае дзіця, знойдзенае ў жыце, тое ж, што і крапіўнік.

Дыскурс — размова, развага (старапольск.)

Мачуга — дубіна (польск.)

Дорпат (Дэрпт) — цяпер Тарту, універсітэцкі горад у Эстоніі.