Людмила Рублевская - Авантуры Пранціша Вырвіча, здрадніка і канфедэрата

Алесь насупіўся, памацаў сіняк, які пераліваўся чырвона-сінім.

— Гэта быў сумленны двубой, пан бацька!

— З-за чаго, за прыўкраснай дамы? — весела папытаўся Пранціш Вырвіч.

Алесь Лёднік вельмі знаёма задраў чарнавалосую галаву.

— Алёхна Параеў, пісарчук, смяяўся, што я гавару на той мове, як мы дома гаворым. А я яму — на ёй Статуты нашыя напісаныя! А ён… Шкада, я шаблі з сабой не меў!

— Ясна, сын. Сядай за стол. Наступны раз паспрабуй абысціся словамі. Лязо ды кулак — апошні довад і не самы лепшы.

Але зразумела было, што і без гэтых довадаў на сваёй зямлі ліцвінам не абысціся, калі нават у абароненай морам ды скаламі Ітацы цару Адысею нельга было схавацца ад вайны. А што ўжо казаць пра скрыжаванне еўрапейскіх дарог… Як сачынялася там, у палоне, Вырвічу:

— Ну што ж, заўтра адправім цябе да сям’і… — задумна прагаварыў Лёднік Пранцішу Вырвічу пасля вячэры.

Дзень паціху спускаўся па цёмных сходах са свае званіцы. Тахкаў гадзіннік на сцяне, ягоны бледны масянжовы твар быў абыякавы да ўсіх мітрэнгаў.

— А ведаеш, добра ўсё-ткі, што тады, па дарозе на Валожын, у цябе, пан Вырвіч, знайшоўся шэлег, каб купіць мяне ў пана Агалінскага. Каб не той шэлег — па іншаму лёсы б нашыя склаліся.

— Твая праўда…

Вырвіч адпіў гарачага чырвонага віна з цынамонам.

— Што ж, часам дробная манетка можа пусціць гісторыю па іншай дарозе. А з нашым шчасцем гэтая гісторыя абавязкова будзе пакручастай і амаль што неверагоднай.

Чорны Доктар ( франц .).

Нельга лячыць неспазнаную хваробу ( лац .).

Між панам і рабом сяброўства быць не можа ( лац .).

Урэшце ( лац ).

Поўнае аднаўленне ( лац .).

У стане зараджэння ( лац .).

У найлепшай форме ( лац .).

Паводле доледу і назірання ( лац .).

Трактат па чэрапава-мазгавой траўме ( лац .).

Анатомія мозгу ( лац .).

Прыйшоў! Паслухаў! Асудзіў! ( лац .).

Эксперымент на малакаштоўным арганізме ( лац .).

Добры дыягност — добры лекар ( лац .).

Блёкат (расліна, лац .).

Беладона (расліна, лац .)

Па-праўдзе ( лац .)

Законы прыроды нязменныя ( лац .)

Папраўдзе ( лац .)

Віна павінна быць пакараная ( лац. ).

Мы можам рабіць толькі тое, што законна ( лац .)

І ў казцы ёсць частка праўды ( лац .)

Доказы пераканаўчыя ( лац .)

Адмова ( лац .)

Закахацца ( лац .)

Аснаванне чэрапа ( лац .)

Закон не цікавяць дробязі ( лац .)

Узыходзячая ранішняя зорка ( лац .)

У здаровым целе здаровы дух ( лац .)

Тыя, што гуляюць мячом дзвюма рукамі ( лац .)

Адзінагалосна ( лац .)

Дакладна паводле закона ( лац .)