Рузил Фазлыев - Иман юлы. Шигырь

Ахирәттә җазаларга сәбәп була,
Кешеләрнең язмышлары азагында.
Ялган рәхәт, сәләм бирә сиңа кабат,
Ул кылынган гамәлләрнең газабында.

Тыела алсаң әгәр аның зурысыннан,
Җиңелерәк сымак сина булыр…
Кечеләрен көчең җитеп син кылмасаң,
Олылары ерактарак синнән булыр…

Иман сүзе бик күләмле,
Карыйк әле берәм берәм.
Мөэмин диләр -ышанганны,
Яшәгәнне иман белән.

Кяфер була – ышанмаучы.
Монафиклар – ике йөзле…
Мөшрикләр – бик күпләргә,
Аллаh диеп бора йөзне…

Иман булса ышану бар…
Аллаh, Китап биргәннәргә.
Ахирәткә, Тәкъдирләргә,
Фәрештәләр, Пәйгәмбәргә.

Шартлары бар-ихлас булу,
Сүзләрдә hәм гамәлләрдә.
Саклык кирәк, игътибарлык,
Хәттә биргән сәләмнәрдә…

Игътикатне, гыйбәдәтне…
Әхлакнедә эченә ала…
Гыйлем өстәп баручылар,
Асылына төшенә ала…

Уйлау кирәк hәм фикерләү,
Аллаhыны онытмыйча.
Вакытларны исраф итми,
Газапларга юлыкмыйча!

Шигырь язам әле вәгазь итеп،
Җыеп алып китап сүзеннән.
Аллаhыга якынырак кебек,
Шигырь сөя алган күңелләр.

Язып куйган элек җөмләләрне,
Күзем белән бераз күргәннәрне.
Укыганны, тынлый алганнарны,
Яңа гына әле белгәннәрне…

Читтә калмас өчен нигъмәтләрдән,
Җирдә күрик иман нурларын…
Җитәрлектер аның нурларыда,
Күрмибез шул безгә булганын…

Нурсыз кояш ничек булыр иде,
Нурсыз йөздә, күпме матурлык?
Калебләрдә күпме җылылык бар,
Иман гөле чәчәк атырлык?…

Барысына җитешүләр өчен,
Ни кызганыч, вакыт артык тар!
Соң булалмый, әгәр язган булса,
Менә буген шундый вакыт бар!

Ашау алды – арты, кулны юу,
«Бисмилләh"ны әйтү онытмый.
Яманламый булган ризыкны,
Хәләллеген белеп курыкмый

Уң кул белән кирәк ашау- эчү,
Начар гәдәт – ятып туклану…
Артык ялгыш ашап ташламаска,
Тәнәфесе кирәк – тукталу…

Сүз алышып алу ашыкмыйча,
Ул вакытта, бераз үз ара.
Рәхмәт әйтү кирәк хуҗаларга,
Шуннан гына кунак кузгала..,

Өстәл арты- хөрмәт өлкәннәргә,
Без аларны көтеп торабыз.
Хөрмәт белән карап ризыкка,
Исрафтан без ерак булабыз…

Төшеп китсә әгәр берәр кисәк,
Шайтанга калдыру ярамый…
Бәрәкәтле кисәк әгәр булса?
Күтәрмичә hичтә ярамый…

Дога кылу кирәк тәмам булгач,
Шөкерләрне әйтеп Аллаhка…
Әдхәмдүлилләhи …диеп,
Күңелләрдә бурыч калмаска.

Бу дөньяга ниләр алып килдек?
Ниләр бирдек, ниләр алалдык,
Ниләр белеп, аны аңлый алып
Язмыш юлын кичеп баралдык…

Ятим мосафирдай юл башында,
Кай якларга бару; белмисең…
Акылда юк, җыйган байлыгыңда,
Барысында алда эзлисең…

Сызылмаган була якты эзләр,
Кылынмаган hаман догалар…
Уйга батып юллар сайлаганда,
Тезелешеп алар торалар…

Ә чынлыкта сайлау сирәк тия,
Агымнарда гына агасың…
ЖД вагонында утыргандай,
Тәрәзәдән карап барасың…

Ул юлларны соңнан барлыйбыз шул