Алексей Валеров - Новгород и Псков - Очерки политической истории Северо-Западной Руси XI–XIV веков

Псковская Третья летопись, 6849 г.

«А Любко князь, сынъ Воинев полоцкого князя, самъ другъ отъехаше от князя Олигорда, и въехавше в сторожевыи полкъ в немецкии, не ведающу ему сторожовово полка, и тако его оубиша само друга; и бысть князю Олигорду и братоу его Кестоуиту и инем княземь скорбь и печаль по князи по Любке [179]».

Псковская Первая летопись, 6849 г.

«И Любко князь сам другъ отъеха от Ольгерда, и въеха въ сторожевыи полкъ немецькии не ведающоу ему, и тако его оубиша самого друга; и бысть Ольгерду князю и Кестуиту и инем княземь скорбь и печаль по Любце князи [180]».

Кроме того, отдельные эпизоды в изложении Новгородской Четвертой и Софийской Первой летописей соединяют чтения сразу нескольких псковских летописей.

Новгорородская Четвертая летопись, 6850 г.

«Князь же Олгердъ прия челобитие плесковское, посла к нимъ напредь себе воеводу своего князя Юрья Витовтовича, а самъ с братомъ своимъ Кестоутьемъ, и с мужи своими литовники приеха в помощь псковицамъ и приводе сына своего съ собою Андреа, тако беше имя ему молитвеное, а еще бене крещенъ. И Олгердъ посла Юрья Витовтовича к Новому городкоу языка добывать, онъ же подоимя пьлесковичь охвочихъ людей, и поехаша на сумежье; и сретошася с великою ратью немецкою, оже они идуть на стояние ко Изборьску. И оубиша немци изборянъ и плесковичь 60 моужь на Мекужичкомъ поли, оу реки у Мекужичи, а Юрьи прибежа въ Изборескъ въ мале дружине. На оутриа приидоша немци ко Изборьску городу силою великою, с пороки и съ многимъ замышлениемъ, и оступиша градъ, хотяще пленити домъ святаго Николы [181]»

Псковская Первая летопись, 6849 г.

«Князь же Ольгердъ, послушавъ пъсковъских пословъ, не оставя слова псковъскаго, посла воеводу своего князя Георьгия Витовтовича; а самъ Ольгердъ подъимъ брата своего Кестуита и мужии своих Литовъковъ и мужии видьблянъ, и приеха в помощь псковичамъ, месяца июля въ 20 день, на память святого пророка Илии, и приведе с собою сына своего Андрея, тако бо бяше имя ему молитвеное, а еще бе не крещенъ. И Ольгердъ посла к Новому городку языка добы вати Георгия Витовтовича. Онъ же подымъ псковичь и изборянь охочих людей, и поехаша на сумежие языка добывати; и сретошася с великою ратию с немецькою на Микужичькомъ поли оу Микужичи речки, оже они идуть на стояние ко Изборьску; и оубиша о князи Юрии изборянъ и пскович 60 мужь, месяца авъгуста во вторыи день, а сам Георгии прибеже во Изборескъ в мале дружине. На оутрия же немцы приидоша ко Изборску с пороки и со грады и со многимъ замышлениемъ, и оступиша град, хотяше пленити домъ святаго Николы [182]».

Псковская Вторая летопись, 6849 г.

«Князь же Олгердъ съжаливъси и не остави мольбы и чолобитиа псковскаго, но въскоре посла воеводу своего князя Юрья Витовтовича; а сам князь Олгердъ подъимъ брата своего Кестоутиа и мужь своих Литовниковъ и видьблян. И приеха въ Псковъ иоуля въ 20, на память святого пророка Илии, и приведе сына своего Андрея, а еще бе не крещенъ. И тогда посла Юрья Витовтовича к Новому городку языка добывати; он же, подъимя с собою охвочих людей псковичь и изборянъ, и поехаша на соумежье, и сретошася с великою немецкою ратью на Мекузицком поли, оже они едут на стояние къ Изборску; и оубиша пскович и изборянъ 60 муж, авгоуста 2, а самъ Юрьи прибеже въ Изборескъ в мале дроужине. А на заоутрие немци приидошя къ Изборску с порокы и з городы и со многымъ замышлениемь, и оступиша град [183]».

Новгородская Четвертая летопись, 6850 г.

«Олгердъ и Кестутеи повелевше своей Литве бродитися за Великую реку въ Плесковъ, тако же и плесковици перебродишася с нимъ блюсти своихъ домовъ и женъ и детей отъ Литвы, а Олгердъ и Кестутии остася взади съ своими литовники и съ пьлесковици, в мале дружине; и поехаша въ Грамьское болото и начата перепытывати немечкои рати [184]».

Псковская Первая летопись, 6849 г.

«Ольгердъ же и Кестутии повелеша своеи силе Литве и видьбляномъ бродитися за Великую реку во Псковъ; тако же и псковичи перебродишася с ними, блюдущи своих домовъ, женъ и детей от Литвы; а князь Ольгердъ и Кестутии осташася взади с своими Литовники и со псковичи в мале дружине, и поехаша въ Грамъское болото, и начата перепытывати немецькоя рати [185]».

Псковская Третья летопись, 6849 г.

«И князь Олигордъ и брать его Кестоуити повеле своим Литовником перебродитися за Великоую рекоу во Псковъ, тако же и псковичи перебродишася с ними, блюдучи своих домовъ и женъ и детей от Литвы; а самъ князь Олигордъ и брать его Кестоуити осташася взади своими Литовники и с моужи псковичи в мале дружине, и поехаше в Грамское болото, и нача перепытывати немецкиа рати [186]».