Эрнест Хемингуэй - Стары чалавек і мора

— Падлячы і гэта, — сказаў хлопчык. — Кладзіся, старэча, а я табе прынясу чыстую кашулю і што-небудзь паесці.

— Прынясі якую газету за тыя дні, калі мяне тут не было, — папрасіў стары чалавек.

— Ты мусіш акрыяць хутка, бо мне багата чаго трэба ўведаць, а ты можаш навучыць мяне ўсяму. Табе было вельмі цяжка?

— Страшэнна, — адказаў стары чалавек.

— Я прынясу ежу і газеты, — сказаў хлопчык. — Адпачні як след, старэча. І яшчэ я зайду ў аптэку па лекі для тваіх рук.

— Не забудзься сказаць Педрыку, што галава рыбіны — ягоная.

— Не забудуся.

Хлопчык выйшаў з дзвярэй і стаў спускацца па каралавай разбітай дарозе: зноў ён плакаў.

Папаўдні гэтага дня гурт турыстаў сядзеў на «Тэрасе» і адна кабета, пазіраючы ў ваду, захламленую пустымі бляшанкамі з-пад піва і дохлымі баракудамі, убачыла агромністы доўгі белы хрыбетны слуп з вялізным хвастом на канцы.

Хвост узнімаўся і калыхаўся з прылівам, калі там, за ўваходам у гавань нястомна і мерна разгойдваў мора ўсходні вятрыска.

— Што там такое? — спыталася яна ў афіцыянта і паказала на доўгую хрыбетніцу велізарнай рыбіны, што была зараз проста смеццем, якое чакала, калі прыліў змые яго.

— Цібурон [42] Мясцовая назва акулы. , — сказаў афіцыянт, — эшарка [43] Ангельскае слова «шарк» (акула) з гішпанскай прыстаўкай. . — Яму здавалася, ён тлумачыць, што адбылося.

— Я не ведала, што ў акул гэткія гожыя зграбныя хвасты.

— І я не ведаў, — сказаў ейны спадарожнік.

У халупе, што стаяла на ўзвышшы ў канцы дарогі, сон зноў агарнуў старога чалавека. Ён спаў, як заўсёды, тварам уткнуўшыся ў пасцель, а побач на варце сядзеў хлопчык. Старому чалавеку сніліся львы.

Назва страўні (тут і далей заўвагі перакладніка).

Вузкая паласа зямлі на ўсходзе Нікарагуа.

Карчма (гішп.).

Быў матросам, матроскі кубрык знаходзіўся ў пярэдняй частцы карабля.

На гішпанскі лад.

Уга (гішп.).

Род трапічных водарасцей у Атлантычным акіяне.

Дробныя крэветкі.

Від рыбы ў цёплых морах.

Марская птушка.

Стары чалавек называе дэльфінам адну з некалькіх акіянічных рыб, адметных пералівістасцю афарбоўкі, з востраканцовымі плаўнікамі.

Адна з сіфанафор (род фізалія).

Адзін ярд — 0,914 м.

Злая вада (гішп.) — народная назва сіфанафоры.

Ліянападобны сумах ядавіты і кусцісты сумах ядавіты.

Від чарапах.

Карэтавыя чарапахі (з атрада марскіх).

Луты, скурыстыя чарапахі.

Даўгапёры тунец.

Смэк — невялікае аднамачтавае рыбалоўнае судна, звычайна, шлюп або тэндар.

Марлін — уласна марлін, рыба, роднасная меч-рыбе; меч-рыба.

Слуп на палубе судна для ўтрымання буксірнага троса, якарнага каната і г.д.

Для старога чалавека рыбіна, з якой ён змагаецца, сапернік, істота мужчынскага роду.

Шнур (гішп.).

Меч-рыба.

Адна з амаль сотні відаў амерыканскіх пеўчых птушак, мае яркі колер.

Лайм — цытрон.

Трупнае скарчаненне (лац.).

Брыз (гішп.).

Здранцвенне (гішп.).

Спартовыя гульні (гішп.).

Чэмпіён (гішп.).

Літаральна — браты.

Стары чалавек, персаніфікуючы і сваю правую руку, ужывае ў стасунку да яе мужчынскі род.

Моцны паўночны вецер.

Зубач (гішп.) — від акулы.

Скат-дазіяціс (рыба).

Святы Пётра (гішп.).

Акулы, што нападаюць і на чалавека.

Для старога чалавека човен — разумная істота жаночага роду.

Лодкі з адмысловымі сеткамі, у якія падчас прыліву заплывае рыба.

Мясцовая назва акулы.

Ангельскае слова «шарк» (акула) з гішпанскай прыстаўкай.