Уладзімір Маякоўскі - П'есы - Клоп. Лазня.

Усе

Горка! Горка!

Эльзевіра і Скрыпкін цалуюцца .

Баян

Якімі капітальнымі крокамі мы ідзем наперад па шляху нашага сямейнага будаўніцтва! Ці ж калі мы з вамі паміралі пад Перакопам, а многія нават памерлі, ці ж маглі мы здагадвацца, што гэтыя ружы будуць квітнець і дарыць нам водар ужо на цяперашнім адрэзку часу? Хіба калі мы стагналі пад ярмом самаўладства, хіба хаця б нашы вялікія настаўнікі Маркс і Энгельс маглі б дапускальна марыць ці нават у марах дапускаць, што мы будзем спалучаць вузамі Гіменея невядомую, але вялікую працу са зрынутым, але чароўным капіталам?

Усе

Горка!.. Горка...

Баян

Паважаныя грамадзяне! Прыгажосць — гэта рухавік прагрэсу! Чым бы я быў у якасці простага працоўнага? Бочкін — і больш нічога. Што я мог у якасці Бочкіна? Мычэць! I больш нічога! А ў якасці Баяна — колькі і чаго душа зажадае! Напрыклад:

I вось я цяпер Алег Баян, і я карыстаюся, як раўнапраўны член грамадства, усімі дабратáмі культуры і магу выражацца, хаця не, выбачайце — выражацца я не магу, але магу размаўляць, хоць бы як старажытныя грэкі: «Эльзевіра Скрыпкіна, перадайце рыбкі нам». I мне можа ўся краіна адказваць, як якія-небудзь трубадуры: [26] Трубадур — сярэдневяковы вандроўны паэт і спявак (у Паўднёвай Францыі).

Усе

Брава! Ура! Горка!

Баян

Прыгажосць — гэта маці...

Шафер( змрочна і ўсхопліваючыся )

Маць! Хто сказаў «маць»? Прашу не лаяцца пры маладых!

Шафера адцягваюць .

Усе

Бетховена! Камарынскага!

Цягнуць Баяна да раяля .

Баян

Усе( падпяваюць )

Бухгалтар

Зразумеў! Усё зразумеў! Гэта значыць:

Цырульнік( з відэльцам лезе да пасаджонай мамы )

Не, мадам, сапраўдных кучаравых цяпер, пасля рэвалюцыі, няма. Шыньён гаффрэ [28] Шыньён гаффрэ — від прычоскі. робіцца так... Бяруцца шчыпцы ( круціць відэльцам ), награваюцца на слабым агні, а ля этуаль [29] Этуаль (франц.) — зорка. ( торкае відэлец у полымя печы ), і ўзбіваецца на макушцы гэтакае валасяное суфле.

Пасаджоная

Вы абражаеце маю годнасць як маці і як дзяўчыны... Пусціце... Сучы сын!!!

Шафер

Хто сказаў «сучы сын»? Прашу не лаяцца пры маладых!

Бухгалтар разнімае пасаджоных, падпяваючы, спрабуе крутнуць ручку касавага лічыльніка, з якім ён круціцца, як з шарманкай .

Эльзевіра( да Баяна )

Ах! Сыграйце, ах! Вальс «Туга Макарава па Веры Халоднай» [30] «Любоў Макарава да Веры Халоднай. Вальс».— Саша Макараў — аўтар шматлікіх рамансаў; Вера Халодная — вядомая кінаактрыса. У запісной кніжцы Маякоўскага 1924 г., № 29, ёсць запіс: «Ноты. Туга Макарава па Веры Халоднай». . Ах, гэта так шарман [31] Шарман (франц. Sharmant) — дзівосна, чароўна. , ах, гэта проста пеціт істуар... [32] Пеціт істуар (франц. Petite histoire) — маленькая гісторыя.

Шафер( узброены гітарай )

Хто сказаў «пісуар»? Прашу пры маладых...

Баян разнімае і накідваецца на клавішы .

Шафер( прыглядаючыся, пагражальна )

Ты што ж гэта на адной чорнай косці іграеш? Для пралетарыята, значыць, на палавіне, а для буржуазіі на ўсіх?

Баян

Што вы, што вы, грамадзянін? Я на белых касцях асабліва стараюся.

Шафер

Значыць, зноў выходзіць, што белая косць лепш? Іграй на ўсіх!

Баян

Ды я на ўсіх!

Шафер

Значыць, з белымі разам, згоднік!

Баян

Таварыш... Дык гэта ж... цэдура [33] Цэдура — скажонае — цэ-дур (C-dur), тое ж, што і до-мажор,— музычны тэрмін, абазначэнне адной з танальнасцей. .

Шафер

Хто сказаў «дура»? Пры маладых. Во!!! ( Грукае гітарай па патыліцы .)

Цырульнік начэплівае на відэлец валасы пасаджонай маці. Прысыпкін адціскае бухгалтара ад жонкі.

Прысыпкін

Вы што ж маёй жонцы селядца ў грудзі тыцкаеце? Гэта ж вам не клумба, а грудзі, і гэта ж вам не хрызантэма, а селядзец!