Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Того же.

Отметающим гласы святых отец возгласившия ся о составлении правых догмат Божия Церкви Афанасия и Кирилла, Амвросия, Амфилохия богоглаголиваго, Леонта святейшаго архиепископа стараго Рима и прочих, еще же и Вселенских соборов деяния, четвертаго, глаголю, и шестаго не лобызающим да будет проклят.

(л. 15) [68] На верхнем поле листа киноварная помета: на 1-й вопрос и ответ. В Неделю первую поста.

Мы убо древнему законоположению церковному последуем, мы заповедания святых отец соблюдаем, мы прилагающих что или отъемлющих от церкве проклинаем, мы вводимое новозаконение христианохулник еретик проклинаем, мы не мудрствующих тако проклятию и анафеме предаем.

Сия суть и такова святых отец наших и учитель, яже о православной вере подвизания сих труды и болезни прият человеколюбец Господь паче всякаго плодоприношения. Блажени убо и треблажени суть вси, елицы несумненым сердцем сохраняют, яже онеми укреплена и предана быша Божественая и предания и учения. Блажени (л. 15 об.) [69] На верхнем поле листа киноварная помета: 1-е возражение. убо суть, иже онеми осужденая и уничиженая омержающе и отвращающеся хулных преданий и разумения.

Глаголеши в своем ответе в предисловии.

Ответ Паисеев.Аще истина речется прение, а наипаче к тому утверждает истину, наживет на себя враги, яко Предтеча Иоанн, еже обличил беззаконнаго Ирода для того, что он держал жену брата своего еще сущу живущу, яко некия глаголют, еще и чад имел от Иродиады отроковицы и до конца погубил живот свой, тако и глава отсечеся. И на се все проповедник евангелский, а наипаче аще бы архиерей есть, должен бывает и тягость имети в душу (л. 16) [70] На верхнем поле листа киноварная помета: на 1-й вопрос и ответ. свою, аще не будет являти и проповедати и глаголати пред царем не стыдяся.

Возражение противо ответа Паисеина.

Ты глаголеши, Паисею, аще истина речется, прение наипаче к тому утверждает, наживет на себя враги. И впреди о твоем презорстве показано не баснями, якоже ты глаголеши, но истинным свидетелством, и ныне глаголю ти. Аще бы и вина моя была кая в погрешеных от мене, но не тебе единому суд или ответ творити, ниже ты видел или слышал, что любо от мене. Писанию убо глаголющу, яко не подобает осуждати кого прежде даже не увесть и слышит опасно, яже о нем, аще и мнози (л. 16 об.) [71] На верхнем поле листа киноварная помета: 1-е возражение. суть оглаголующии.

Евангелие.

Глагола [72] На левом поле листа помета: Иоан. 27. Никодим пришедый к Нему нощию един сый от них: Еда закон наш судит человеку, аще не слышит прежде от него и разумеет, что творит.

Якоже [73] На левом поле листа помета: Деян. 48. много дни сотворшу ему тамо, Фист цареви сказа яже о Павле, глаголя: Муж некий есть, оставлен от Филикса узник, о нем же, бывшу ми в Иерусалиме, явиша архиерее и страцы июдейстии, просяша нань пря. К ним же отвещах, яко несть обычай римляном да яти коего человека прежде даже оклеветаный пред лицем видит клеветники, место же приимет ответа о согрешении.

Ты же ни о клевете уведев, ниже (л. 17) [74] На верхнем поле листа киноварная помета: на 1-й вопрос и ответ. о клеветнике, но единому непреподобну мужу паче прокляту, аще и сигклитик клевету прием, чрез вся святыя Божия заповеди и святых апостол и святых отец каноны на соблазн людем простым ростолковал, а не от повеленных заповедей и канонов.

Правило святых апостол 75.

В [75] На правом поле листа помета: лист 20. послушество на епископа еретик не приятен, но ни верный [76] Так в ркп. един токмо, во устех бо рече двою или триех послух станет всяк глагол.

Толкование.

Не токмо на оклеветание еретик несть приятен, но ни на послушество, аще един послушествует, аще и верен есть, несть приятен. И к Тимофеови великий Павел писа, тако рече: На презвитера (л. 17 об.) [77] На верхнем поле листа киноварная помета: 1-е возражение. послушества не приемли, аще не пред двема или треми послухи. Мню же, ни на оклеветание, им же отпадение наводится своего сана епископу или презвитеру, не доволна на два послуха, аще и верна еста и непорочна.

Четвертаго Вселенскаго собора правило 21.

Не [78] На левом поле листа помета: лист 102. искушен причетник или мирский человек, глаголя на епископа, не приятен.

Толкование.

Аще кто клевещет на епископа или на причетника, рекше на презвитера и диакона, подобает прежде истязати житие их, а не без испытания приимати их на оклеветание епископа. Аще причетницы суть оклеветающии или мирстии человецы да некогда будут отвержени от церкве или причащения лишени, или о гресех (л. 18) [79] На верхнем поле листа киноварная помета: на 1-й вопрос и ответ. неких оклеветаеми сами и себе и еще не оправдивше, или инако како житие имуще порочно, или верою чюжди, рекше еретицы, мнози бо таковии церковное благочиние смясти и превратити хотяще, клеветами вины сшивают на непорочныя и правоверныя епископы и причетники. Таковыи на оклеветание не приятни.