Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Толкование.

В различных правилех речено есть, еже никому же дерзнути от своего предела во иную область преходити, аще не будет позван от области тоя митрополита и от сущих с ним епископ, тожде убо и сей святый собор повелевает. Но аще который епископ с другим епископом о некоей вещи разпрю имать, и с ним да судится пред собором тоя области, в ней же есть. И не подобает от иныя области разума ради неких епископ призывати, но от единех тоя области епископ судитися. И аще не угоден ему будет суд и мнит, яко не по праву осужен быв, судивый (л. 6) [30] На верхнем поле листа киноварная помета: на 1-й вопрос и ответ. его митрополит и епископи да возвестят Римскому Папе писанием вину и суд, како осудиша и. И аще не восхощет того суда, и той или сам разсмотрив суд, аще право осужден бысть, возвестит им писанием, аще ли ни, тамо близ их сущия области епископом повелит, да сотворше собор, судят ему паки второе.

Правило 12.

Позван епископ от епископа позвавшему же его не вежде сущу, да не глаголет почасту в людех, порок бо есть невеждному и обругание епископии его и обое не без порока.

Правило 13.

Без нужди тяжки бедно есть епископу свою церковь надолзе [31] Написано со знаком вставки на правом поле листа. оставляти.

Толкование обема правилома.

(л. 6 об.) [32] На верхнем поле листа киноварная помета: 1-е возражение Аще который епископ в другий град преидет, позван бысть епископом страны тоя, и аще будет позвавый его епископ невежда, не ведый добре божественых писании и учителству неискусен, позвавый епископ да не учит люди прилежно и да не глаголет в народе много божественных писаний. Таковое бо дело мятеж составляет и преобидение творит позвавшему его епископу, мнит же ся указанием таковаго учения, чюжду себе обручая церковь и люди к себе привлачая и тщася преданую ему церковь оставити и в ту преити. Сего ради убо повеле сей святый собор, да позваный епископ вящше трий недель от своея церкви да не останет, (л. 7) [33] На верхнем поле листа киноварная помета: на 1-й вопрос и ответ. но к порученым ему людем да возвратится, аще не некая нужда тяжка и вещь неудобна сотворит его вящше того пребыти от своея церкви.

Правило 18.

О [34] На правом поле листа помета: лист 114. епископстем закоснении и о презвитерстем и диаконстем, изложеныя заповеди да имеют силу.

Толкование.

Да ни который же епископ своего стада не оставляет и во инем граде вящше триех недель не пребывает, се убо и презвитером и диаконом, да и тии боле триех недель не оставляют своих церквей.

Правило 21.

Иже [35] На правом поле листа помета: лист 115. добре и богоприятне изведеная буестию поколебати покушается, (л. 7 об.) [36] На верхнем поле листа киноварная помета: 1-е возражение. несть епсикоп, виден же быв епископ грядый в стан, пакости да не приимет, аще позван будет прежде реченных ради грядый, аще же инако.

Толкование.

Иже не хранит добре и богоугодне исправленых заповедей, но буестию и гордостию ино нечто паче заповеданных творити дерзнет, и чести и сана епископскаго да извержется, понеже уже исправлено есть, инако не ходити епископу в стан царев аще не царскими грамотами позван будет. Аще убо мимо грядый епсикоп хотя ити в стан царев и обитает у другаго епископа, подобает убо епископу, у него же обитает, (л. 8) [37] На верхнем поле листа киноварная помета: на 1-й вопрос и ответ. вопросити вины шествия его, чесо ради грядет. И аще обрящет его по тому образу, якоже прежде рекохом или обидимых ради сирот же и вдовиц, да помолится о них, или иных ради таковых полезных вещей в стан царев грядет, да не спакостит ему никако же, но с честию отпустит его и да пишет о нем к сущим во области братии своей епископом всем приимати того незазорно, яко шествующа по правилом же и без соблазна. Аще же инако обрящет того в стан царев грядуща или показатися цареви хотящу или о неких непотребных вещех молитися, яже неподобна суть архиереом, не приобщатися к нему, ни грамот подписывати, (л. 8 об.) [38] На верхнем поле листа киноварная помета: 1-е возражение. ни промышления, ни единаго же отнюдь сподобити того.

Карфагенскаго собора правило 23.

Епископ [39] На левом поле листа помета: лист 128. да не идет на он пол моря, аще от старейшины страны своея отпустную грамоту не возмет о прехождении.

Толкование.