Никон - ВОЗРАЖЕНИЕ, или РАЗОРЕНИЕ СМИРЕНАГО НИКОНА,Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы

Ни епископу, ни причетнику далече отходити от своея церкве несть достойно без повеления и без отпустныя грамоты митрополита своего, якоже Средческий и Лаодикийский собор повелевает.

Правило того же собора 106.

Некия [40] На левом поле листа помета: лист 159. ради нужды хотя к церкви отъити да яве сия сотворит к Архидонскому епископу и Римскому и отпустное послание да возмет, аще ли ни, без общения есть.

Толкование.

(л. 9) [41] На верхнем поле листа киноварная помета: на 1-й вопрос и ответ. Епископ или причетник, аще восхощет поити к церкви, да скажет первие вину к Архидонскому епископу, ея же ради идет и возмет от него грамоту отпустную, и в Рим пришед покажет ю епископу Римскому и да явит ему вину, ея же ради идет к церкви, и той да разсудит. И аще будет подобна вина да возмет и от того грамоту, ею же от царя приимет помощь. Аще же кто от епископ или от причетник инако к церкви отъидет, да будет без общения, сиречь да отлучится. И о сем ищи правило 11 Антиохийскаго собора и 9 правило в средце собора.

Шестаго Вселенскаго собора правило 20.

Епископ [42] На правом поле листа помета: лист 184. во инем граде в народе (л. 9 об.) [43] На верхнем поле листа киноварная помета: 1-е возражение. не учит, аще же обрящется да престанет от епископства и презвитерская действует.

Толкование.

Епископ во инем граде в народе уча, понеже гордости и буести ради, преобидит ту сущаго епископа, яко тщася посрамити и уничижити и чюждий престол себе обручити, по достоянию да престанет таковый от епископства, иже бо чюждих желает, своих лишен будет и на презвитерское место свети того и презвитерская да действует. И назнаменай се когда епископ на презвитерское место сводится, ибо 29 правило Халкидонскаго собора святотатство отнюдь нарицает, еже епископа на презвитерский свести степень, и имей (л. 10) [44] На верхнем поле листа киноварная помета: на 1-й вопрос и ответ. сие правило преболше вселенскаго онаго правила.

От свитка новых заповедей правило 3.

Никому [45] На правом поле листа помета: лист 307. же от епископ боле единаго лета от своея церкви пребыти подобает, обаче аще и то будет по цареву повелению, да не творят же извета, глаголюще, яко «церкви моя во многих обидах есть», но таковая причетники или икономы или посолники подобает исправляти. Сим же без ставилных грамот не ходити, ни пришедшим же в Царьград явитися цареви, но прежде приити ко преосвященному патриарху или коейждо области посолником, от нея же и тии суть, и тем сказати вины, ея же ради прииде, и тако потом с ними входити (л. 10 об.) [46] На верхнем поле листа киноварная помета: 1-е возражение. к церкви. Подобает же епископом вестники великия церкве или посолники патриарховыми возвещеном бывати цареви, яко да аще или праведнаго что просив у царя получити или неправедна что не получи вскоре возвратися.

И что к сим отвещаеши, глаголи.

Како ли смел еси в чюждей епархии учити и законополагати о несведомых, еже несть ти прощено от Евангелия и святых апостол и святых отец, во Евангелии же пишется.

Евангелие.

Отвещав [47] На левом поле листа помета: Иоан. 26. убо им Иисус и рече: Мое учение несть Мое, но пославшаго Мя. Аще кто похощет волю его творити, разумеет о учении его, кое [48] Вписано между строк тем же почерком «ко». от Бога есть, или аз о себе глаголю, глаголяй о себе, (л. 11) [49] На верхнем поле листа киноварная помета: на 1-й вопрос и ответ. славы своея ищет, а ищай славы пославшаго его, сей истинен есть и несть неправды в нем.

Несмы [50] Так в ркп. якоже нецыи корчемству слово Божие не от чистоты, яко от Бога пред Богом о Христе глаголем, утешение бо наше не от прелести, ни от нечистоты, ниже лестию, но якоже искусихомся от Бога верни быти, прияти благовествование. Сице глаголем не яко человеком угождающе, но Богу искушающему серадца нага, не бо в слове ласкания когда быхом, якоже весте, ниже виною лихоимания, Бог свидетель, ни ищуще от человек славу, ни от вас, ниже от инех могуще в тяготе быти яко Христови апостоли.

Видиши ли, яко не подобает инако (л. 11 об.) [51] На верхнем поле листа киноварная помета: 1-е возражение. учити или законополагати. Сего [52] На левом поле листа помета: Иоан. 35. ради и Господь учит, глаголя: Аминь, аминь, глаголю вам, не входяй дверми во двор овчий, но прелазя инуде тать есть и разбойник, а входяй дверми пастырь есть овцам. И по мале: Аз есмь пастырь добрый, вси елицы приидоша, татие суть и разбойницы, но не послушаша их овцы.