Erich Hübel - Wass der Geier, ob des schdimmd!

Erich Hübel

Wass der Geier, ob des schdimmd!

Ungereimtes, quer durchs

Hirn geschossen

Teil 3

Der Autor, ein pensionierter Lehrer, geboren 1952, kam einst zum Studium nach Nürnberg, in die Stadt mit dem „allerschönsten Dialekt“, in die er sich – neben einem Nürnberger Mädchen – sofort verliebte. Seitdem ist er bekennender Wahlnürnberger, für den die fränkische Sprache, die baulichen, kulturellen und – nicht zuletzt – kulinarischen Spezialitäten seiner Stadt und ganz Frankens, wie auch der ruhmreiche heimische Fußballverein 1. FCN, der „Glubb“, extrem wichtig fürs Heimatgefühl sind.

2015 erschien sein erstes Buch

„Was mahndsnern no du doderdsu?“ –

Ungereimtes, quer durchs Hirn

geschossen“: ISBN 978-3-95744-731-9.

Dem folgte 2016 der zweite Band:

„Des mussder amohl illusdrierd

vuurschdelln“ Ungereimtes, quer durchs

Hirn geschossen, Teil 2

ISBN-13: 978-3-96008-378-8

Diese Bücher, auch aus dem Engelsdorfer

Verlag, kosten je 9,50€.

Titelfoto: B. Hübel, 2014:

Der Autor bei einer Greifvogelvorführung auf Schloss Rosenburg, Oberösterreich

Der Autor möchte natürlich wiederum seiner Frau(noch immer das „Nürnberger Mädchen“, s.o.) für ihre Beratung und die mühsame Durchsicht der Texte danken.

Bibliografische Information durch die

Deutsche Nationalbibliothek:

Die Deutsche Nationalbibliothek verzeichnet

diese Publikation in der Deutschen

Nationalbibliografie; detaillierte

bibliografische Daten sind im Internet über

http://dnb.dnb.deabrufbar.

Copyright (2017) Engelsdorfer Verlag Leipzig

Alle Rechte beim Autor

Hergestellt in Leipzig, Germany (EU)

www.engelsdorfer-verlag.de

Cover

Titel Erich Hübel Wass der Geier, ob des schdimmd! Ungereimtes, quer durchs Hirn geschossen Teil 3

Über den Autor Der Autor, ein pensionierter Lehrer, geboren 1952, kam einst zum Studium nach Nürnberg, in die Stadt mit dem „allerschönsten Dialekt“, in die er sich – neben einem Nürnberger Mädchen – sofort verliebte. Seitdem ist er bekennender Wahlnürnberger, für den die fränkische Sprache, die baulichen, kulturellen und – nicht zuletzt – kulinarischen Spezialitäten seiner Stadt und ganz Frankens, wie auch der ruhmreiche heimische Fußballverein 1. FCN, der „Glubb“, extrem wichtig fürs Heimatgefühl sind. 2015 erschien sein erstes Buch „Was mahndsnern no du doderdsu?“ – Ungereimtes, quer durchs Hirn geschossen“ : ISBN 978-3-95744-731-9. Dem folgte 2016 der zweite Band: „Des mussder amohl illusdrierd vuurschdelln“ Ungereimtes, quer durchs Hirn geschossen, Teil 2 ISBN-13: 978-3-96008-378-8 Diese Bücher, auch aus dem Engelsdorfer Verlag, kosten je 9,50€. Titelfoto: B. Hübel, 2014: Der Autor bei einer Greifvogelvorführung auf Schloss Rosenburg, Oberösterreich Der Autor möchte natürlich wiederum seiner Frau (noch immer das „Nürnberger Mädchen“, s.o.) für ihre Beratung und die mühsame Durchsicht der Texte danken.

Impressum Bibliografische Information durch die Deutsche Nationalbibliothek: Die Deutsche Nationalbibliothek verzeichnet diese Publikation in der Deutschen Nationalbibliografie; detaillierte bibliografische Daten sind im Internet über http://dnb.dnb.de abrufbar. Copyright (2017) Engelsdorfer Verlag Leipzig Alle Rechte beim Autor Hergestellt in Leipzig, Germany (EU) www.engelsdorfer-verlag.de

Aberglaube naiv Aberglaube naiv Iech konn ja wergli nedd verschdeh, wey manche Leid suh abergläubisch sei kenner. Und manche sinn ah no bleyd derdsu: Ersd neili hobb i widder vo anner Fraa gherd, die middgrichd hodd, dass demnegsd a Heilichohmd a Freidooch sei werd, und die gsochd hodd: „Hoffentlich is des dann nedd ah no Freidooch, der dreidsehnde!“ Februar 2017

Abnehmen Abnehmen Gans, gans langsam hobb i edsd a boor hunderd Gramm abgnommer. Iech hobbs ausgrechned: Wenn i in den Dembo weider mach, bin i suh in siebsg Johr fei dodahl verschwundn. April 2016

Aggression Aggression Ich hobbs ja immer nedd glaam wolln, dass Fleisch essn aggressiv machd. Obber dann hobb i amohl gsehn, wey a Veganer suh richdich ausgrasd’ is, wall sei Sohn ann Hamburger gessn hodd. April 2016

Elektrischer Alptraum Elektrischer Alptraum Mier hodd draamd, dass mei Wasserkocher und mei Migser midderander a Verhäldnis ghabbd hamm. Und wey i es negsde Mohl hamm kommer bin, worns durchbrannd, middernander, alle dswa. November 2016

Arithmetik Arithmetik Do hodd neili doch anner im Fernsehn gsachd: „Bei uns is jeder dswode Erwachsene vill dsu digg. Und bei die Kinder is no vill schlimmer! Do isses scho jeds virdde!” Oktober 2016

Korrekte Auskunft Korrekte Auskunft Damidd i mi nedd bloß immer drüber lusdich machen duh: In Färdd wohner vill gans nedde, hilfsbereide Menschn. Wenns’d do vo amm wos wissn willsd, grichsd ah a gans a höfliche und massdns korregde Andword. Suh hobb i amohl ann Färdder aff der Schdrass gfroochd ob er wass, wo do es Schdaddeoder is. „Ja, freili“, hodd der Moo gsochd, und is weider ganger. Oktober 2016

Ausmisten Ausmisten Iech hobb dachd, es wär amohl widder Dseid, meine Bücher ausdsumisdn. Walls hald immer mehr wern. Wall hald welche wech müsserdn. Hobb i’s alle ausm Regohl ghold, und aweng abgschdaubd. Do hobb i welche gfundn, die i unbedingd scho lang amohl widder hobb lesn wolln. Hobb i ann großn Schdabel gmachd. Dann worn do dadsächlich welche derbei, die hobb i no goor nie glesn ghabbd. Hobb i widder ann Schdabel gmachd. Dann hobb i’s widder ins Regohl nei gschdelld. Ah ja, und die villn Bücher dsum Wechdun – die dswa hobb i in die Mandeldaschn gschdeggd, damidd i’s bein negsdn Mohl affn Recyclinghuuf miednehmer konn. Juli 2016

Bauern als Tierschützer Bauern als Tierschützer Do hobb i doch vo ann Bauern gherd, der bei die Dierschüdser „Peta“ Middglied worn is. Edsd gibbd der seine Säu immer suh Wachsdumshemmer in ihr Fudder nei, damidd’s nedd suh bald gschlachd wern müssn. November 2016

Besuch Besuch Widder wos, woh’s älder wern Vuurdeile bringd: Wemmer freyer Bsuch grichd hamm, hammer massdns scho a boor Dooch vuurher ongfangd, die Wohnung gründlich dsu budsn, damidd’s überohl ah richdich sauber is. Müss’mer fei nimmer! Heidis unser Bsuch massdns ah aweng älder und sichd nimmer suh guhd. Dezember 2016

Burkaverbot Burkaverbot In London sichd mer scho immer widder amohl a Fraa midd anner Burka. Bei uns do kennerd i mi goor nedd erinnern, dass i überhaubds scho amohl anne hobb rumlaafn sehn. Drum wass i ah goor nedd, wem mer bei uns die Burka verbiedn wollerd. Außerdem is es Verbiedn immer suh a Sach. Villeichd werrerdn midd ann Burkaverbod vill Brobleme ah bloß dodahl verschleierd. September 2016

Christkindlesmarkt Christkindlesmarkt Iech bin ja scho länger nimmer aff unserm Grisdkindlesmargd gwesn. Desderweng hobb i heier arch gschdaund, wos do middlerweiln alles gibbd! Ann Dragdor odder ann Dodnkubf aus Gloos als Grisdbaamschmugg find i hald einfach bloß bleyd odder gscheid gschmagglos. Obber bei fliegende Elfen odder Däferla midd seim Schderndseichn, die mer ann’ Baam hänger soll, müsserd si a echder Chrisd doch wergli froong, wey des dsammbassn soll. Dezember 2016

Diskriminierung Diskriminierung In ledsder Dseid brobierd mers ja bei uns in Deudschland ernsdhafd, wos gecher Disgriminierung dsu machn, gecher Digriminierung vo Fraun, vo Behinderde, vo Alde und no vill andere Grubbn. Do bin i ja dodahl derfier! Bloß wecher mier werd widder kanner wos machen. Bald verdsg Johr hobb i als Beamder gerberd – und kanner hodd brobierd, miech dsu beschdechn. Do fühl i mi nadierli dodahl disgriminierd! Oktober 2016