Erich Hübel - Wass der Geier, ob des schdimmd!

Politischer Dreischritt Politischer Dreischritt Iech wass no guhd, dass unser hegsder Bersonolrohd scho vuur vill Johr immer gsochd hodd, dass die Regierung in Bayern in ann Dreischridd Bollidigg machd: Beschließn – erschreggn – noochdengn. Er hädd’s nedd suh laud und suh ofd soong solln. Middlerweiln hodd si des Brindsibb nämli scheinds weldweid durchgseds vuur allem beim Wähln. Dengd bloß an den „Brexit“ odder an die Bräsidendnwohl in Ameriga! November 2016

Durchschnittsberechnung

Einkaufen zwischen den Jahren

Einkaufstrends

Tragisches Ende

Entführungsvorsorge

Erkältung

Körperliche Ertüchtigung

Exzesse

Falschmeldungen

Falschmeldungen 2

Ideale Frauen

Gäste

Am Gardasee

Gedächtnis

Geld

Geographie

Geschlechtertrennung

Gleichnis

Graffitis

Traumberuf Hausfrau

Herkunft

Herzenswunsch

Himalayasalz

Hobbys fürs Alter

Horoskop

Intelligenz

Musikalische Internationalität

Interpunktionsprobleme

Iran

Island

Jogging

Jogging 2

Sorge um die Jugend

Kaffee trinken

Klarstellung

Körperlichkeit

Ungeplante Komik

Selbstbewusstes Kompliment

Krafttraining

Lebensabschnitte

Lebenserwartung

Wechselseitiges Lernen

Mein Lieblingsmöbel

Links

Literaturnobelpreis

Lottospieler

Zukunft der Männer

Das erste Mal

Soziale Medien

Meinungsaustausch

Meinungsfreiheit

Militärputsch

Einer von achtzig Millionen

Modebewusstsein

Nachrede

Navi

Nobelpreisträger

Olympia

Organe

Panama

Neue Partei

Perspektiven

Pessimisten

Porträtfotos

Pünktlichkeit

Raumstation

Reise mit Genuss

Heutige Relativitätstheorie

Rock im Park

Rotlichtbar

Schildkröten

Schutzengel

Schwäche

Seelenverwandtschaft

Fürther Selbstbewusstsein

Selbstgespräche

Shopping

Der beste Sinn

Nachlassende Sinne

Sixpack

Skifahren

Sprachkenntnisse

Sprachlosigkeit

Sprichwort

Stau

Stein der Weisen

Steine

Straßenszenen

Studenten

Teeren und Federn

Versuch eines Theaterbesuchs

Tierisches

Tipps fürs Leben

Treffsicherheit

Überraschung

Übersetzungshilfen

Uneinigkeit

Vergänglichkeit

Verkäufer im Elektromarkt

Schriftliche Versprecher

Vorräte

Gute Vorsätze

Vorsaison

Sportlicher Vorsatz

Vorurteile

Wahlversprechen

Wasserbett

Äußere und innere Werte

Wien

Windeln

Wunschnachbarn

Angst vorm Zahnarzt

Zum Schluss

Iech konn ja

wergli nedd verschdeh,

wey manche Leid

suh abergläubisch sei kenner.

Und manche sinn ah no

bleyd derdsu:

Ersd neili hobb i widder

vo anner Fraa gherd,

die middgrichd hodd,

dass demnegsd a Heilichohmd

a Freidooch sei werd,

und die gsochd hodd:

„Hoffentlich is des

dann nedd ah no

Freidooch, der dreidsehnde!“

Februar 2017

Gans, gans langsam

hobb i edsd

a boor hunderd Gramm

abgnommer.

Iech hobbs ausgrechned:

Wenn i in den Dembo

weider mach,

bin i suh in siebsg Johr

fei dodahl verschwundn.

April 2016

Ich hobbs ja

immer nedd glaam wolln,

dass Fleisch essn

aggressiv machd.

Obber dann hobb i

amohl gsehn,

wey a Veganer

suh richdich ausgrasd’ is,

wall sei Sohn

ann Hamburger gessn hodd.

April 2016

Mier hodd draamd,

dass mei Wasserkocher

und mei Migser

midderander a Verhäldnis

ghabbd hamm.

Und wey i es negsde Mohl

hamm kommer bin,

worns durchbrannd,

middernander, alle dswa.

November 2016

Do hodd neili doch anner

im Fernsehn gsachd:

„Bei uns is

jeder dswode Erwachsene

vill dsu digg.

Und bei die Kinder

is no vill schlimmer!

Do isses scho jeds virdde!”

Oktober 2016

Damidd i mi nedd bloß immer

drüber lusdich machen duh:

In Färdd wohner vill

gans nedde, hilfsbereide Menschn.

Wenns’d do vo amm

wos wissn willsd,

grichsd ah a gans a höfliche

und massdns korregde Andword.

Suh hobb i amohl ann Färdder

aff der Schdrass gfroochd

ob er wass,

wo do es Schdaddeoder is.

„Ja, freili“, hodd der Moo gsochd,

und is weider ganger.

Oktober 2016

Iech hobb dachd,

es wär amohl widder Dseid,

meine Bücher ausdsumisdn.

Walls hald immer mehr wern.

Wall hald welche wech müsserdn.

Hobb i’s alle ausm Regohl ghold,

und aweng abgschdaubd.

Do hobb i welche gfundn,

die i unbedingd scho lang amohl

widder hobb lesn wolln.

Hobb i ann großn Schdabel gmachd.

Dann worn do dadsächlich welche derbei,

die hobb i no goor nie glesn ghabbd.

Hobb i widder ann Schdabel gmachd.

Dann hobb i’s

widder ins Regohl nei gschdelld.

Ah ja, und die villn Bücher

dsum Wechdun –

die dswa hobb i

in die Mandeldaschn gschdeggd,

damidd i’s bein negsdn Mohl

affn Recyclinghuuf miednehmer konn.

Juli 2016

Do hobb i doch

vo ann Bauern gherd,

der bei die Dierschüdser „Peta“

Middglied worn is.

Edsd gibbd der seine Säu

immer suh Wachsdumshemmer

in ihr Fudder nei,

damidd’s nedd suh bald

gschlachd wern müssn.

November 2016

Widder wos,

woh’s älder wern

Vuurdeile bringd:

Wemmer freyer

Bsuch grichd hamm,

hammer massdns scho

a boor Dooch vuurher

ongfangd, die Wohnung

gründlich dsu budsn,

damidd’s überohl

ah richdich sauber is.

Müss’mer fei nimmer!

Heidis unser Bsuch

massdns ah aweng älder

und sichd nimmer

suh guhd.

Dezember 2016

In London sichd mer scho

immer widder amohl a Fraa

midd anner Burka.

Bei uns do kennerd i mi

goor nedd erinnern,

dass i überhaubds scho amohl

anne hobb rumlaafn sehn.

Drum wass i ah goor nedd,

wem mer bei uns die Burka