Древние Литургии

Да будет благоприятно величию Твоему, всемогущий вечный Боже, приношение сие, егоже мы приносим Тебе за грехи и прегрешения наши, и за спасение всех православных христиан, чрез Христа Господа нашего.

Благословляет Хлеб и, окадив, полагает на дискос звездицу и покров:

Во имя Отца + и Сына и Святого Духа. Аминь.

Вливает в Чашу вино и воду, произнося:

Во имя Отца + и Сына и Святаго Духа. Аминь.

Приносим Тебе, Господи, чашу для благословения крови Христа, Сына Твоего, и молим милость Твою, да вознесется она пред очами величия Твоего, яко кадило благовонное, чрез Христа, Господа нашего. Аминь.

Полагает покровец на чашу, говоря:

Приношение сие, Господи, милостиво приими и грехи всех приносящих и за них же приносится сие, прости чрез Христа, Господа нашего. Аминь.

Затем кадит предложение и в предшествии свещеносцев переносит св. сосуды на престол через северные врата. На амвоне священник тихо поминает предстоящих:

Всех вас, благочестивых и православных христиан, да помянет Господь Бог во Царствии Своем, всегда ныне и присно и во веки веков.

Священник ставит сосуды на престол, снимает с дискоса покровец, кадит предложение, и, преклонившись, говорит:

Со смирением и сокрушением молим Тя, Господи Боже: да будет жертва наша благоугодна Тебе. Прииди, Святый Душе, Освятителю, и освяти жертву сию, недостойными руками моими уготованную Тебе.

Затем выходит на амвон, говоря:

Помогите мне, братия, вашими молитвами и молитеся за мя ко Господу.

Хор: Да укрепит тя Отец и Сын и Дух Святый.

Здесь священник омывает руки, тайно произнося:

Умыю в неповинных руце мои и обойду жертвенник Твой, Господи, возвещу гласом моим хвалу Тебе и исповедую вся чудеса Твоя.

Преклоняется пред престолом и тайно произносит:

Предстану пред Тобою во смирении духа моего, воспою Тебе, ибо Ты дал мне великую надежду и дерзновение. Ты же, Сыне Давидов, в тайне откровения пришедший к нам во плоти, ключом креста Твоего открой тайныя сердца моего, посли единаго от Серафимов, да углем пылающим, приятым с Небеснаго престола Твоего, очистит Он нечистые уста мои, просветит ум, дарует словеса благопотребныя, еже глаголати. Да не погрешит язык мой, служа ближним по любви на потребу и пользу духовную, да не в заблуждение впадет, но присно возвестит хвалу истины, Боже мой, живущий и царствующий во веки веков. Аминь.

Священник к народу: Господь да будет всегда с вами.

Хор: И со духом твоим.

Священник, поднимая руки, говорит: Господу помолимся.

Хор: Свят, свят, свят, Господи Боже, Царю веков, Тебе хвала и благодарение.

Священник:

Воспомянем в молитвах святую соборную Церковь, да сподобит милосердный Господь возрастити Ю в вере, надежде и любви. Помянем всех падших, плененных, больных и путешествующих, да призрит на них милосердный Господь, освободит, исцелит и укрепит их.

Хор: Даруй, вечный, всемогущий Боже.

Священник:

Исповедуя призывающего нас к себе Иисуса Господа, возлюбленные братья, со всяким душевным усердием и со слезами испросим, да будет услышана молитва наша.

Хор: Аминь.

Священник:

Милосердием Твоим, Боже наш, пред ним же именуются святые апостоли и мученицы, исповедницы и девственницы.

Хор: Аминь.

Священник:

Жертву Господу Богу приносят святители наши: (Патриарх Московский и всея Руси АЛЕКСИЙ и) Архиепископ ... ... и всякое епископство православных за себя и за весь клир, и народы церкви, им вверенные, и о всех и за вся. Равно приносят и (всечестной отец наш протоиерей ... со зде начальствующими учащими и учащимися), священники, диаконы, причт и люди, предстоящие Твоей благости.

Хор: Приносим за себя и за всех христиан.

Священник:

Воспоминая святых апостолов и мучеников, Преславную и Пресвятую Богородицу и Приснодеву Марию, святаго праведнаго Захарию, святаго Иоанна Предтечу, святых младенцев Вифлеемских, святых апостолов Петра, Павла, Иоанна, Иакова, Андрея, Филиппа, Фому, Варфоломея, Матфея, Иакова, Симона, Иуду, Матфия, Марка, Луку и (имярек святого дня) и всех святых.

Хор: И всех мучеников.

Священник: Молимся также и о душах усопших раб Твоих: (имена).