Древние Литургии

Священник: Сколько наемников в доме Отца моего избыточествуют хлебом; / аз же от глада погибаю; / восстав, иду ко Отцу моему и реку Ему:

Хор: Приими мя яко единаго от наемник Твоих.

Священник: Кирие, элейсон,

Хор: Христэ, элейсон,

Священник: Господи, помилуй,

Хор: Христе, помилуй.

Священник читает: Отче наш, иже еси на небесех, да святится имя Твое, да приидет Царствие Твое, да будет воля Твоя, яко на небеси и на земли, хлеб наш насущный даждь нам днесь, и остави нам долги наша, якоже и мы оставляем должником нашим, и не введи нас во искушение,

Хор: Но избави нас от лукаваго.

Священник: От тайных моих очисти мя, Господи.

Хор: И от помышлений злых удержи раба Твоего.

Священник: Господи, услыши молитву мою.

Хор: И вопль мой к Тебе да приидет.

Священник: Господу помолимся.

Хор: Господи, помилуй.

Священник:

Боже, творящий достойныя из недостойных, праведников из грешных и чистых из нечистых, очисти мое сердце и тело мое от всякия нечистоты и помышления греховнаго, и сотвори мя быти достойным и благопотребным служителем святыни Твоея, и сподоби мя на престоле сем, к немуже аз недостойный дерзая приступаю, принести Тебе сии святыя жертвы за грехи и бесчисленныя моя прегрешения, и за грехи всех живых и усопших верных и всех, вверивших себя моим молитвам; и да будет моление мое благоприятно Тебе, Богу Отцу, Создателю всяческих, чрез Единаго Безгрешнаго Первосвященника Иисуса Христа, принесшаго Себе в жертву за ны, с Тобою живущему и царствующему со Святым Духом.

Хор: Аминь. и " Богородице, Дево, радуйся… ".

Священник поднимается на амвон и говорит:

Во имя Господа нашего Иисуса Христа.

Хор: Аминь.

Священник благословляет народ:

Благодать Святаго Духа да будет с вами.

Хор: И со духом твоим.

Священник, лицом к вратам, поёт на 7-й глас:

Подойду к престолу Божию.

Хор: К Богу, веселящему юность мою.

Священник поёт:

Суди мя, Боже, и рассуди суд мой с народом недобрым;/ от человека неправедна и льстива избави мя.

Хор: Яко Ты еси, Боже, крепосте моя; / вскую отринул мя еси? / Вскую сетуя хожду / внегда оскорбляет мя враг?

Священник поёт:

Посли свет Твой и истину Твою; / та мя наставят и введут мя на святую гору Твою и в селения Твоя.

Хор: И подойду к жертвеннику Божию, / к Богу, веселящему юность мою.

Священник поёт:

Исповемся Тебе в гуслех, Боже, Боже мой. / Вскую прискорбна еси душе моя и вскую смущаешися?

Хор: Уповай на Бога и исповедайся Ему, / Спасению лица моего и Богу моему.

Священник поёт: Слава Отцу и Сыну и Святому Духу.

Хор: Якоже бе в начале и ныне, и присно, и во веки веков. Аминь.

Священник поёт: Подойду к престолу Божию.

Хор: К Богу, веселящему юность мою.

Священник поёт: Сподоби, Господи, в день сей.

Хор: Без греха сохранитися нам.

Священник поёт: Исповедайтеся Господеви, яко Благ.

Хор: Яко в век милость Его.

Священник поёт: Моли о нас, Пресвятая Богородица.

Хор: Да достойны будем обетований Христовых.

Священник: Исповедаю Богу Отцу Всемогущему и пред вами, братия, яко премного согрешил аз мыслию и нерадением, словом и делом, ведением и неведением и всеми моими чувствы. Сего ради молитеся о мне ко Господу и Богу нашему Иисусу Христу.

Все отвечают: Да помилует тебя Всемогущий Бог и, отпустив грехи твои, да приведет тебя к жизни вечной.

Священник отвечает им:

Аминь. Да помилует и вас всемогущий Бог и, отпустив грехи ваши, да приведет вас к жизни вечной.

Все отвечают: Аминь.

Священник: Прощение, разрешение и отпущение грехов наших благодатию Святаго Духа да подаст нам всемогущий и милосердый Бог.

Все отвечают: Аминь.

Священник поёт на глас 7-й: Боже, обратившись, оживи нас.

Хор: И народ Твой возрадуется о Тебе.

Священник поёт: Яви нам, Господи, милость Твою.