Хрестоматия по истории СССР. Том1.

Убьен же бысть в суботу на нощь.

И освете заутра в неделю на память 12 апостол 19. Оканьнии же оттуда шедше убиша Прокопья, милостьника 20его; и оттуда идоша на сени 21, и выимаша золото и каменье дорогое и жемчюг и всяко узорочье 22, и до всего любимого имения, и вьскладьше на милостьные [41]коне, послаша до света прочь: а сами въземыпе на ся оружие княже милостьное, почаша совокупити дружину к собе, ркуче: «ци ж да на нас приедуть дружина володимирьская?» И скупиша полк, и послаша к Володимерю: ти что помышляете на нас? а хочем ся с вами коньчати; не нас бо одинех дума, но и о вас суть же в той же думе». И рекоша Володимерьци 2; «да кто с вами в думе, то буди вам, а нам ненадобе». И разидошася и вьлегоша грабить, страшно зрети. И тече на место Кузмище Киянин, оли нетуть князя, идеже убьен бысть; и почаша прошати Кузмище: «кде есть убит господин?» И рекоша: «лежить ти выволочен в огород; но не мози имати его, тако ти молвять вси, хочемы и выверечи псом; оже ся кто прииметь по нь, тот нашь есть ворожьбит, а и того убьем». И нача плакати над ним Кузьмище: «господине мой! како еси не очютил скверных и нечестивых пагубоубийственыих ворожьбит своих, идущих к тобе, или како ся еси не домыслил победити их, иногда побежая полки поганых болъгар 3?» И тако плакася и. И прииде Амбал ключник, Ясин родом, тот бо ключь держашеть 4у всего дому княжа и надовсими волю ему дал бяшеть; и рече възрев на нь Кузмище: «Амбале вороже! сверзи ковер ли что ли, что постьлати или чим прикрыта господина нашего». И рече Амбал: «иди прочь, мы хочемь выверечи псом». И рече Кузмище: «о еретиче! уже псом выверечи? помнишь ли, жидовине, в которых порътех пришел бяшеть? Ты ныне в оксамите 5стоиши, а князь наг лежить; но молютися сверьзи ми что любо». И сверже ковер и корзно 6; и обертев и, и несе и в церковь. И рече: «отомъкнете ми божницю». И рекоша: «порини и ту в притворе, печаль ти им»; уже бо пьяни бяхуть. И рече Кузмище: «Уже тебе, господине, паробьци твои тебе не знають; иногда бо аче и гость приходил из Царя-города, и от иних стран изь Руской земли, и аче латинин 7, и до всего хрестьянства, и до всее погани 8, и рече: «въведете и в церковь и на полати, да видять истиньное хрестьянство и кре-стяться»; якоже и бысть, и болгаре и жидове и вся погань, видивше славу Божию и украшение церковъное, и те болма пла-чють по тобе, а сии ни в церковь ни велять вложити». И тако положив и в притворе у божници 9, прикрыв и корьзномь, и лежа ту 2 дни и ночи. На третий день приде Арьсений игумен святою Кузмы и Демьяна, и рече: «долго нам зревшим на старейшие игумени, и долго сему князю лежати? отомькнете божницю, да отпою над ним, вложимы и в гроб, да коли престанеть злоба си, да тогда пришед из Володимеря и понесуть и тамо». И пришедъше клирошан [42]боголюбьскыи, и вземше и внесоша в божницю, и вложиша и в гроб камен, отпевше над ним погребалное с игуменомь Арсеньемь.

Горожане 2же Боголюбьци разграбиша дом княжь и делатели 3, иже бяху пришли к делу, золота и серебро, порты 4и паволокы 5, имение, ему же не бе числа; и много зла створися в волости его: посадников и тивунов домы пограбиша, а самех и детские 6его и мечникы 7избиша, а домы их пограбиша, не ведуще глаголемаго: идеже закон, ту и обид много; грабилиже и ис сел приходяче грабяху. Такоже и Володимери, оли же поча ходити Микулиця 8со святою богородицею, в ризах по городу, тождь почаша не грабить……В 6 день, в пятицю, рекоша Володимерце игумену Феодулови и Луце деместьвянику 9святое Богородице: «нарядита носилице, ать поедемь возмемь князя великого и господина своего Андрея»; а Микулице рекоша: «събери попы вси, оболокше(ся) в ризы выйдите ж перед Серебреная ворота 10с святою Богородицею 11, ту князя дождеши». И створи тако Феодул игумен святое Богородице володимерьской с крилошаны (и) с володимерце, ехаша по князь во Боголюбов, и вземше тело его привезоша Володимерю, со честью, с плачемь великым. И бысть по мале времени, и цоча выступати стяг 12от Боголюбого, и людье не могоша ся нимало удержати, но вси вопьяхуть, от слез же не мо-жаху прозрити, и вопль далече бе слышати. И поча весь народ плача молвити: «уже ли Киеву поеха, господине, в ту церковь, теми Золотыми вороты 13, их же делать послал бяше той церкви на велицемь дворе на Ярославле, а река: «хочю, создати церковь таку же, ака ворота си Золота, да будет память всему отечьству моему»? И тако плакася по немь всь град. Того же лета 14селящими Ростиславичема 15в княженьи земля Ростовьскыя, роздаяла беста посадничьства Руськым 16децькым: они же много тяготу людемь сим створиша продажами и вирами 17; а сама князя млада суща, слушаста бояр, а бояре учахуть на многое имание… И почаша Володимерци молъвити: «мы есмы волная князя прияли к собе, крест целовали на всемь, а си акы не свою волость творита, яко не творячеся у нас седети [43]грабита не токмо волость всю, но и церкви; а промышляйте, братье!» и послашася к Ростовцемь и к Суждальчем, являюще им обиду свою. Они же словом суще по них, а делом суще далече; а бояре князю тою крепко держахуся.