Мікола Калядны - Каханне (зборнік)

– Нічога не люблю! – грымнула яна і набыла звычайны выгляд.

– Аслабаняю! – ад гэтага яе загаду луг узрушыўся і пачаў змяняцца.

Травы ўвачавідкі выпрасталіся і ярка зазелянелі, кветкі – радасна праісначыліся.

Куды падзеліся ружы, лілеі, хрызантэмы, вяргіні, пралескі, астры, ландышы, рамонкі, півоні, васількі, гваздзікі, верас, чабор і многія іншыя. Замест іх паўстала цэлая раць хвацкіх малойцаў, праўда, крыху збянтэжаных.

– Адкуль такое непатрэбства? – жартаўліва ўкалола пытаннем Геката. – Не спадабалася? Дарма. Вы – творцы. А творцу па сэрцы ўсё, што ён ажыццяўляе. Калі не, тады ён – адрачэнец, чалавек, і яму не месца сярод нас.

Яна, як калі-нікалі і іншыя настаўнікі, знарок кранула шчымлівыя асацыяцыі хлопцаў з надзеяй узрушыць іхняе самалюбства і дапамагчы ім канчаткова пазбавіцца прыкрай мінуўшчыны, бо ведала, што нікому з іх пакуль гэтага не хацелася.

Шкаляры ўстрапянуліся, нібы атрэслі з сябе азёл, і разгублена ўцеміліся на Гекату, імкнучыся, па звычцы, глыбей схаваць свае патаемныя думкі.

– Не трэба затойвацца, – распазнала іх Геката. – Не той выпадак. Вы перада мною як на далоні і ўсе згадныя – пара б ужо даўно прывыкнуць да гэтага. Для засваення маёй навукі лепей разняволіцца і расчыніцца. Усе агоўталіся?

Юнакі сталі пераглядвацца, як бы шукаючы адзін аднаго, і неўзабаве ўстрывожыліся.

Текст предоставлен ООО «ЛитРес».

Прочитайте эту книгу целиком, купив полную легальную версию на ЛитРес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.

Леў (эзатэр.) – сымболь агню адважнасці, сонца і золата.

Метагiсторыя – метакультура ў руху ўсiх яе частак.

Метакультура – шматпластавая, розных вымярэнняў прасторы i часу, сicтэма альбо злучво правідэнцыйных, фiзiчных i дэманiчных працэсаў жыццядзейнасцi планеты.

Нумянальны – які пазнаецца розумам у процілегласць дадзенаму ў пачуццях (фенамянальны).

Манада – першасная, непадзельная, неўмiручая духоўная адзiнка.