Жанат Жан?алиева - Бала болсам да, мені? ???ы?тарым бар

Мен зорлық пен зомбылықтан азат болуға құқылымын. Менің құқықтарымды бұзуға ешкімнің хақысы жоқ.

Мен отбасын асырау үшін ауыр жұмыс істемеуім керек.

Мен ата-анамды, достарымды, Отанымды, бүкіл әлемді, ғаламшарды құрметтеуге құқым бар.

Ата-анам мені жақсы көргенін, болашақта жетістіктерге жетіп, дамуым үшін мені қолдап, қамқор болғанын қалаймын.

Өскенде, оқуды бітіргенде, өзіме ұнайтын болашақ мамандықты және жұмысты өз еркіммен таңдап алуға құқым бар.

Қиын жағдайға ұшырасам маған ересектер қамқорлық көрсетіп, қорғауы тиіс. Мен кішкентай сәбимін ғой.

Қамқорлық пен махаббатқа мұқтажбын. Мен есейгенде өзім де басқаларға қамқор болғым келеді. Мен сәби шағымда нағыз сәби болғым келеді. Мен еркелегенді жақсы көремін. Маған жақындарым жылы шырай танытса қуанамын.

Менің соғысқа қарсы болуыма құқым бар. Мен соғыстан, найзағайдан, қараңғыдан, отаныма бағытталған қауіпті ракеталардан қорқамын. Ересектер қару-жарақ пен қауіпті зымырандарды бұғаттағанын қалаймын.

Менің алаңсыз ойнауға, қиялдауға, сурет салып, ойыншықтар мен қиялымдағы заттарды құруға құқылымын. Ересектер мұны түсініп, менің білімге талпынысымды қолдағанын қалаймын.

Мен әртүрлі қуанышты кейіпте, риясыз күлкі құшағында достарыммен ойнауға құқылымын.

Балалармен бірігіп ойнап-күлген – мен үшін өте қызық.

Өзімді еркін адам ретінде сезінуге құқым бар. Тіпті менің сөздерім мен ойым әкеме ұнамаса да, өз ойымды толық және еркін айтуға құқылымын.

Тіпті менің сезімдерім анама ұнамаса да, өз сезімдерімді білдіруге құқым бар. Осы құқықтар менде болуы тиіс. Себебі мен кішкентай ғана баламын, мен сәбимін.

Балалар құқығын қорғайтын Конвенцияға қол қойған 193 мемлекеттің арасында менің мемлекетім – Қазақстаным болғандықтан, мен осы құқықтардың бәріне толық ие болуға құқылымын.

Бүкіл жер бетінде балалар құқығы қорғалса деймін. Мүмкін ертең немесе біраз уақыт өткенде әлемнің барлық мемлекеттері бұл заңға қол қояды деп үміттенемін. Баланың құқықтарын қорғайтын Конвенцияға осы күнге дейін қол қоймаған ел болса, қол қойғанын қалаймын.

Біздің құқықтарымыздың дәл қазір, дәл бүгін құрметтелгенін, қорғалғанын қалаймын, бұл өте МАҢЫЗДЫ. Себебі дәл бүгін, дәл қазір мен сәбимін.

Біріккен Ұлттар Ұйымында 1989 жылы 20 қарашада қабылданған Конвенция 54 баптан құралған.

Бала құқықтарын дискриминациялауға – жол жоқ.

Баланың дені сау болып өмір сүруіне, бала өзіне байланысты тақырыптарға өз пікірін қалыптастыруына менің айтарым – ИЯ.

Балаларды соғысқа қатыстыру, порнографиялық әрекеттерге итеру – қылмыс.

Бұл әрекеттерге – ЖОҚ деймін.

Бұл қылмысты істерден балаларды қорғау – міндет.

Өкінішке орай, біздің әлемде, аш-жалаңаш, ішер таза суы жоқ, медициналық көмекпен қамтамасыз етілмеген, жынысына байланысты қорлық көріп жүрген, мектепке бару – арман болып қалған, яғни өз құқықтары тапталған балалар бар.

Бала құқығын қорғау – аса маңызды, салауатты, сауапты міндет, бала – елдің ертеңі. Еркін, құқығы құрметтелген бала – ертең ел тірегі болары сөзсіз.

Бала – тұлға, бала – адам. Баланың адам болғандықтан құқықтары бар.

Бұл кітапты тегін береміз.

Жүктеп алыңыздар. Достарыңызбен және жақындарыңызбен бөлісініздер.

@azhekabooks (Instagram)

Кітаптағы суреттер автордыкі.