Любовь Янковская - Святая Ксения Петербуржская. Просите, да обрящете милость Божию!

Помогла она и одной женщине, которой очень не нравился избранник своей дочери. Однажды, еще до свадьбы, после очередной размолвки, когда дочка совсем упала духом, ее младшая сестра, чтобы утешить невесту, стала читать акафист Ксении блаженной. Утром мама девушек проснулась и рассказала, что ей приснился сон, будто она на Смоленском кладбище в часовне Ксении и смотрит, как ее дочь, собирающаяся выйти замуж, там молится перед иконой Ксении. А Ксения на иконе живая – смотрит на мать строго и говорит:

– Оставь свою дочь в покое, она сделала выбор правильно, я ведь ей знак давала – голубку.

Оказалось, что и правда – старшая дочь женщины месяц назад была на Смоленке, спрашивала Ксению, верный ли сделала выбор, стоит ли торопиться с замужеством или повременить. Народу в часовне было очень много, и Таня встала снаружи. И вот, когда она спросила:

– Верно ли я поступаю? – рядом с ней на могильный крест села голубка, трижды кивнула и улетела.

Кондак 1

Избранная угодница и Христа ради юродивая, святая блаженная мати Ксения, избравшая подвиг терпения и злострадания, хвалебное пение приносим ти, чтущии святую память твою. Ты же заступи нас от враг видимых и невидимых, да зовем ти: Радуйся, Ксение блаженная, молитвеннице о душах наших.

Икос 1

Равноангельского жития взыскала еси, блаженная мати, по успении мужа твоего отвергла еси мира сего красоту и вся, яже в нем: похоть очес, похоть плоти и гордость житейскую, юродством разум Христов стяжала еси.

Того ради услыши от нас похвалы, тебе возносимыя:

Радуйся, житием твоим Андрею, Христа ради юродивому, равная;

Радуйся, имени своего отрекшаяся, себе же умершей именовавшая.

Радуйся, в юродстве имя мужа твоего Андрея приявшая;

Радуйся, именем мужеским назвавшись, не-мощи женской отрешившаяся.

Радуйся, все имение твое добрым людям и нищим раздавшая;

Радуйся, нищету добровольную Христа ради приявшая.

Радуйся, века сего суемудрия юродством твоим отвергатися нас научившая;

Радуйся, благая утешительнице всех, в молитве к тебе прибегающих.

Радуйся, Ксение блаженная, молитвеннице о душах наших.

Кондак 2

Видяще странное твое житие, яко презрела еси дом свой и всякое мирское богатство, родные по плоти безумною тя полагаху, людие же града Петрова, видя смирение твое, нестяжание и вольную нищету, воспели Богу: Аллилуиа.

Икос 2

Разум, от Бога тебе данный, ты, Ксение блаженная, в мнимом безумии скрыла еси; в суете града великого аки пустынница жила еси, молитвы Богу свои возносящи непрестанно. Мы же, дивящеся таковому житию твоему, взываем тебе хвалебно:

Радуйся, крест тяжкий юродства, от Бога тебе данный, на рамена своя приявшая;

Радуйся, мнимым безумием сияние благодати сокрывавшая.

Радуйся, дар прозорливости смирением крайним и подвигом молитвы стяжавшая;

Радуйся, дар сей на пользу и спасение страждущих являвшая.

Радуйся, страдания людския прозорливо в дали необозримей зревшая;

Радуйся, жене доброй о рождении сына прорекшая.

Радуйся, яко жене той у Бога чадо испросившая;

Радуйся, всех к Богу в молитве прибегати научившая.

Радуйся, Ксение блаженная, молитвеннице о душах наших.

Кондак 3

Силою свыше, от Бога тебе дарованною, зной и люту стужу мужественно претерпевала еси, распинающи плоть свою со страстьми и похотьми.

Тем же Духом Святым просвещаемая, взывала непрестанно Богу: Аллилуиа.

Икос 3

Имея, о блаженная, небо покровом себе, землю же ложем своим, отвергла еси плотоугодие Царства Божия ради. Мы же, зряще таковое твое житие, со умилением зовем ти: Радуйся, жилище свое земное людям отдавшая;

Радуйся, небесного крова взыскавшая и получившая.

Радуйся, ничто же земное имущая, а всех духовно богатящая;

Радуйся, житием своим терпению нас научающая.

Радуйся, любовь Божию людям показующая;

Радуйся, плодами благочестия украшенная.

Радуйся, терпение и незлобие миру явившая;

Радуйся, теплая предстательница наша пред престолом Всевышнего.

Радуйся, Ксение блаженная, молитвеннице о душах наших.

Кондак 4

Бурю житейскую, во граде Петрове мятущуюся, кротостию и незлобием преодолела еси, блаженная мати, бесстрастие же к тленному миру стяжала еси. Тем же и поеши Богу: Аллилуиа.

Икос 4

Слыша о тебе, яко ты, злостражда Христа ради, скорбных утешаеши, немощных укрепляеши, заблудших на путь правый наставляеши, людие страждущий к помощи твоей прибегаху, воспевающе тебе: