Наталия Берестова - 100 молитв на быструю помощь. Самые сильные молитвы на исцеление

Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Перед этим святым образом и перед иконой преподобного Иоанна Дамаскина возносят молитвы об исцелении при болезнях и повреждениях рук.

Живший во времена правления императора-иконоборца Льва Исаврянина, Иоанн Дамаскин выступал за сохранение канонов истинной веры. Недоброжелатели оклеветали святого, и в наказание ему отрубили кисть правой руки. Проведя ночь в слезной молитве перед святым образом Пречистой Матери Божьей, святой Иоанн на утро увидел отрубленную кисть приросшей на место. На коже же правой руки святого остался только тонкий шрам. Преподобный Иоанн принял монашеский постриг и, в благодарность за совершенное с ним чудо, изготовил из серебра кисть правой руки и прикрепил ее к иконе, перед которой провел ночь в молитве.

Святая икона, получившая название «Троеручица», была чудесным образом обретена в XIII в. монахами Хилендарского монастыря на Афоне и с тех пор считается наместницей этой обители, покровительствуя ей и управляя всеми делами.

Днесь всемирная радость возсия нам велия: даровася святей горе Афонстей цельбоносная Твоя, Владычице Богородице, икона, со изображением тричисленно и нераздельно пречистых рук Твоих, в прославление Святыя Троицы, созываеши бо верных и молящихся Тебе о сем познати, яко двема имаши Сына и Господа держиши, третию же яви на прибежище и покров чтущим Тя от всяких напастей и бед избавляти, да вси, притекающий к Тебе верою, приемлют неоскудно от всех зол свобождение, от врагов защищение, сего ради и мы вкупе с Афоном вопием: радуйся, Благодатная, Господь с Тобою.

Днесь веселое наста ныне Твое торжество, Богомати Пречистая, вси вернии исполнишася радости и веселия, яко сподобльшеся изрядно воспевати предивное явление честнаго образа Твоего и рождшагося от Тебе Младенца, истинна же Бога, Егоже двема рукама объемлеши, и третиею от напастей и бед нас изымаеши и избавляеши от всех зол и обстояний.

О, Пресвятая Госпоже Владычице Богородице, велие чудо святому Иоанну Дамаскину явившая, яко веру истинную – надежду несумненную показавшему! Услыши нас, грешных, пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты еси от всех родов избранная и благословенная во веки веков. Аминь.

Преподобне отче Иоанне! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, утверждение во благих делех, больным исцеление, печальным утешение, обиженным заступление, бедствующим помощь.

Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь.