Галина Багирова - Лечение. Как использовать молитвы, заговоры и народную медицину

Молитва Святителю Спиридону Тримифунтскому чудотворцу (от всех болезней)

О великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем, к тебе прибегающим и с верою молящимся, скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия Агарян и от глада страну твою сохранил еси, царя от неисцельнаго недуга избавил и многая грешники к покаянию привел еси, за святость же жития твоего Ангелы невидимо в церкви, поющая и сослужащия тебе, имел еси. Сице убо прослави тебе, вернаго Своего раба. Владыка Христос, яко вся тайная человеческая деяния дарова тебе разумети и обличати неправедно живущия. Многим, в скудости и недостаточестве живущим, ты усердно помогал еси, людей убогих изобильно во время глада напитал еси, и иная многая знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у престола Вседержителя, и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу и Сыну и Святому Духу, ныне и присно и во веки веков. Аминь.

Если ваш близкий тяжело болен и сам не может сходить в храм и помолиться, то это нужно делать обязательно за него. Ходите в храм, ставьте свечи за здравие, просите Всевышнего о скорейшем выздоровлении болящего. А также в молитве обращайтесь к святым бессребреникам Косьме и Дамиану перед иконами, прося здоровья и скорейшего выздоровления. Кроме этого, попросите мученика Трифона, чтобы он вам тоже помог. Молитесь всем святым. Главное, верьте в то, что вы делаете.

Молитва святым бессребреникам Косьме и Дамиану, чудотворцам (молиться нужно за немощного)

О чудотворцы славнии, врачеве безмезднии, Косьме и Дамиан! Вы, от юности Христа Бога возлюбивше, не врачевания токмо искусство, но паче неоскудную благодать исцеления всяких недугов от Бога прияли есте. Тем же и нас, пред честною иконою вашею припадающих, скоро услышите. Юные дети, вашей помощи во учении книжном просящие, молитвами своими наставите, да вашему житию ревнующе, не земное точию приобрящут, и паче во благочестии и правей вере непрестанно да преспевают. На одре болезни лежащим в человечестей помощи отчаявшимся, к вам же тепле с верою и усердною молитвою прибегающим, исцеление болезней вашим милостивым чудодейственным посещением даруйте: такожде и от лютых недуг во уныние, малодушие и роптание пришедшия, данною вам от Бога благодатию в терпении утвердите и наставите, да уразумеют волю от них Божию святую и совершенную, и причастницы соделаются Божия спасительныя благодати. Всех, к вам усердно прибегающих, от болезней лютых невредимы сохраните, и от внезапныя смерти оградите, и мощным ходатайством вашим к Богу в праве вере тверды соблюдите, во благочестии же преспевающия, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа, во веки веков. Аминь.

Молитва мученику Трифону (от болезней)

О внятый мучениче Христов Трифоне, скорый помощниче всем к тебе прибегающим и молящимся пред святым твоим образом, скоропослушный предстателю! Услыши ныне и на всякий час моления нас, почитающих святую память твою, и предстательствуй о нас пред Господем на всяком месте, ты бо, угодниче Христов, святый мучениче и чудотворче Трифоне, в великих чудесех возсиявый, прежде исхода твоего от жития сего тленнаго молился еси за ны ко Господу и испросил еси у Него дар сей: аще кто в коей либо нужде, беде, печали и болезни душевней или телесней призывати начнет святое имя твое, той избавлен будет от всякого прилога алого и яко же ты некогда дщерь цареву, во граде Риме от диавола мучиму, исцелил еси, сице и нас от лютых его козней сохрани во вся дни жития нашего, наипаче же в день последнего нашего издыхания предстательствуй о нас, буди нам тогда помощник, и скорый прогонитель лукавых духов, и к Царствию Небесному предводитель иди же ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святого Утешителя Духа во веки веков. Аминь.