Илия Емпулев - Страха же вашего не убоимся, яко с нами Бог

Вопрос: Которыми вещми хощет увязати ум человечь сопротивник Божий?

Ответ: Сими вещми имать. Егда видит непреоборимых его коварствы и различными напастьми, тогда повелит слугам своим, и дадят им три печати, да без единой быти могут (т. е. не смогут). Итако волею приидут и поклонятся ему.

Вопрос: Которые умыслит печати?

Ответ: Первее воздвигнет гонение на православныя Христианы, да не имут где главы подклонити. Егда не сможет сильных преодолети, тогда повелит слугам своим престати от мучительства и повелит им ину заповедь творити, да вси ионе неволею приимут еже есть сия (т. е. заповедь). Повелит творити некая писмена на карточках с тайным именем, да без тех не могут в путь шествовати. Да на тое глядучи (т. е. глядя) ведомы (т. е. узнаваемы) будут и без беды пройдут камо хотят. Второе: имя свое тайно имать писати на карточках, еже не ктоже уведе от земных, сими словесы: 666. В куплях и продаяниях печать его имать распространятися. Овии (т. е. некоторые) волею приимут печать его, без мучения и без нужды (т. е. добровольно). Нехотящии его прияти от потребныя нужды смерть приимут.

Вопрос: Могут ли избыти (т. е. избежать) от сея печати хотя малии?

Ответ: Малии нецыи, якоже рекл еси (т. е. как ты сказал), не обязавшиеся суетами мира сего, но оплевавшие сласти и красная мира сего, но в мире живуще, тех не прельстит сопротивник. Опасайтися трех вещей: звериного образа, карточек, а наипаче всего душепагубныя печати, понеже ей несть покаяния, погибе таковый от Бога и человек. Того сатана вписуе в свою всегубительную книгу, яко Иуду, понеже отвергошася святой соборной церкви в животе (т. е. жизни) своем. Аще кто малым чем замарается, то уже бесы напишут на челе его отвержение Христа. Зрите братие, аще и много понудят вам печать или карту прияти, то аще и кровь пролияти, аще и имения лишитися, то с радостию претерпите. Точию не мозите поклонитися многоперстной (т. е. многосоставной) их прелести (т. е. обольщению). Зато веселия воздаяние – будите пшеница царская.

Имени же его не яви, но число имени его – 666: антихристово пятно на карточках написанное будет и на руках носимое троякое, которое слуги его на руце правой и на челе своем будут иметь. Первое пятно значит образ антихристов вымалеваный (т. е. нарисованный). Второе пятно значит имя его властное литерами (т. е. тайнонаписанием) выряженное. Третие пятно значит литеры (т. е. тайнонаписание), которое вкратце личьбу (т. е. число) имени его будет в себе замыкать, 666. Тако антихрист людем пятно свое будет давати, дабы на тое пятно глядучи каждый познал иже суть слуги антихристовы.

Мера пшеницы за динарь, и три меры ячьменя за динарь, и елей и вино не вреди. Аще кто волию, или неволию от веры отступят, антихристу поклонятся всем равная мука будет. Пшеница значит законне подвизающихся, а ячмень по смущении покаявшихся равная цена, динарь, сиречь воздаяние, а вино и елей цельба покаяние до века будет. Аще бы и запечатаны покаялись и то бы простил Бог, но не покаются, но отчаются. Указ сему:

Тако глаголет Господь, в та времена точию (т. е. только), аще кто призовет имя Мое спасется; не ищи иныя исправы или священства, но точию яко же святый апостол Петр, по отречении своем, вверже себе в ров, и плакася горко дондеже Христос воскресе от мертвых, тако да творят иже ся прельстит, в прелести антихристовой, да плачется горко петровым покаянием, дондеже Господь приидет, судити живым и мертвым, тогда обрящет милость, яко же и Петр по отречении.

Сия последния слезам достойная времена, вдашася широким путем в погибель ведущим, един другаго предваряюще, и от часу далие и глубочайше бежал в правду по Християнстей вере утвердитися, не к чему же иному да бежат точию к Писанию. Аще бо на ино взирати будут соблазнятся и погибнут.

Книга Андрея Юродиваго. Горко же тогда смирит сущия Христианы, до последняго издыхания, тогда иже не прельстится великими прельщении друг Христов, блажени бо суть, и болие блажени и треблажени, иже при антихристе хощет мучен быти, велика бо слава приимет их без конца.

Апокалипсис, глава 12. Дуга знаменует Страшнаго Христа Бога, крепкое обещание Его яко ни един в гонении верный не погибнет. Смело иди на мучение, полки Ангел посланы будут, на помощь верных ни погибнет.

Библия. Пророка Ездры, глава 16. Востанут мнози на боящихся Господа, и расхитят стежание их. И от домов их изгонят. Тогда явится искушение, избранных Моих яко злато искусится от огня. И пред вами дни скорби, не бойтеся не сумнитеся яко Бог водитель ваш есть рече Господь, да не отягчают вас греси ваши.