Хрестоматия по истории СССР. Том1.

А кто и напишет вотчину в монастырь в духовной, и тех вотчин в монастыри по духовным не давати; а дати в монастырь родителям их денги, чего та вотчина стоит, или что умерший вотчине цену напишет в духовной…

1. Которые слободы на Москве патриарши, и митрополичьи, и владычни, и монастырские, и бояр и окольничих и думных а ближних, и всяких чинов людей, а в тех слободах живут торговые и ремесленные люди, и всякими торговыми промыслы промышляют и лавками владеют, а государевых податей не платят, и служб не служат, и те все слободы со всеми людми, которые в тех слободах живут, всех взяти за государя в тягло, и в службы бездетно и без-поворотно…

15. А которые боярские и иных чинов люди и крестьяне на Москве, и по городам покупили себе и в заклады поймали тяглые дворы, и лавки, и анбары, и погребы каменные, и соляные варницы, и торгуют всякими товары: и тем боярским и иных чинов людем и крестьяном, те тяглые дворы, и лавки и погребы, и анбары, и варницы продати тяглым торговым и посадским людем, а им теми дворами, и лавками, и погребами, и анбары, и варницами впредь не владети, и впредь ничьим людем и крестьяном опричь государевых торговых посадских людей тяглых дворов, и лавок, и погребов, и анбаров, и варниц 3ни у кого не покупати. А будет впредь чьи люди и крестьяне у кого купят тяглые дворы, или лавки, и погребы, и анбары, и варницы: и у них те дворы и лавки, и погребы, и анбары, и варницы взяти на государя безденежно; да им же за то быти от государя в великой опале, и в торговой казни.

4. А которые всяких чинов люди на Москве емлют государево денежное и хлебное жалованье, и лавки за собою держат, и наймуют и всякими промыслы промышляют, опричь стрелцов:, и тем людем быти по прежнему в своих чинех, и служить государевы службы з государева жалованья. А с торговых со всяких промыслов быти им в тягле в сотнях и в слободах, и в ряд с черными людьми подати давать, а службы никакой тяглой не служить; а кто не похочет в тягле быть, и тем людем лавки свои продать государевым тяглым людем.

11. А которые в городех стрелцы и казаки, и драгуны всякими торговыми промыслы промышляют, и в лавках сидят: и тем стрельцом и казаком, и драгуном, с торговых своих промыслов платити таможенные пошлины, а с лавок оброк, а с посадскими людьми тягла им не платити, и тяглых служеб не служити.

12. А которые в городех же иных чинов служилые люди, пушкари и затиншики, и воротники, и казенные плотники, и кузнецы, сидят в лавках, и всякими торговыми промыслы промышляют; и им с торговых своих промыслов по тому же платити государевы таможенные пошлины, и быти им в тягле и всякий государевы подати платити и службы служити с посадскими людми в ряд. А кто в тягле быти не похочет, и тем людем лавки свои продать государевым тяглым людем.

13. А которые московские и городовые посадские тяглые люди сами, или отцы их в прошлых годех живали на Москве, и в городех на посадех, и в слободах в тягле, и тягло платили, а иные жили на посадех же и в слободах у тяглых людей в сидельцах и в наймитах, а ныне они живут в закладчиках за патриархом же, и за митрополиты, и за архиепископы, и за епископом, и за монастыри, и за бояры и за окольничьими, и за думными, и за ближними, и за всяких чинов людьми на Москве и в городех, на их дворех и в вотчинах, и в поместьях и на церковных землях: и тех всех сыскивати и свозити на старые их посадские места, где кто живал наперед сего, бездетно же и бесповоротно. И впредь тем всем людем, которые взяты будут за государя, ни за ково в закладчики не записыватися, и ни чьими крестьяны и людьми не называтися. А будет они впредь учнут за ково закладыватися, и называтися чьими крестьяны или людьми: и им за то чинити жестокое наказанье, бити их кнутом по торгом, и ссылати их в Сибирь на житье на Лену. Да и тем людем, которые их учнут впредь за себя при-имати в закладчики, потомуже быти от государя в великой опале, и земли где за ними те закладчики впредь учнут жити, имати на государя.

27. А которые московских и городовых посадских людей дети отходили от тяглых людей и писалися в стрелецкую службу, а у отца толко один сын, или два: и тех имати в тягло; а будет у отца три сына, а третей написан в стрелцы: и третьего сына не имати, быти ему в стрелцах.

28. А которые московские и городовые посадские люди были в посадском тягле, и стали в пушкари, и в затинщики, и в воротники, и в кузнецы, и в иные во всякие чины: и тех, по сыску, всех имати в тягло.