Хрестоматия по истории СССР. Том1.

Отрывок об Аристотеле Фиораванти и постройке Успенского собора взят из «Софийской второй летописи» («Полное собрание русских летописей», изд. Археографической комиссии, т. VI, СПБ 1853).

В лето 6983 [106]Послал князь велики посла своего Семена Толбузина во град Венецию, к тамошнему их князю, извет кла-дучи таков, что посла его Тривизана отпустил со многою приправою, а сребра пошло, рече, семь сот рублев; повеле и мастера пытати церковнаго. Он же тамо быв и честь прия велику и сребро взя, а мастера избра Аристотеля. Многи, рече, у них мастери, но ни един избрася на Русь; той же восхоте, и рядися с ним по десяти рублев на месяць давати ему. И хитрости ради его Аристотелем зваху его, рече Семион: да сказывают еще и Турьской деи царь звал его, что во Цареграде сидит, того ради; а там церковь сказывал в Венеции святаго Марка велми чюдну и хорошу, да и ворота Венецийскии деланы, сказывает, его же дела, велми хитры и хороши. Да и еще деи хитрость ему казал свою такову: понял деи его к себе на дом, дом деи добр у него и полаты есть, да велел де блюдо взяти, блюдо же деи медяно, да на четырех яблоках медяных, да судно на нем яко умывалница, якоже оловяничным делом, да нача лити из него из одного воду, и вино, и мед, его же хотяше то будет…

Взят же с собою тот Аристотель сына своего, Андреем зовут, да паробка, Петрушею зовут, поиде с послом с Семеном Толбу-зиным на Русь; пречистые храма 2похвали гладость, да известь не клеевита да камень не тверд; того ради плитою 3все своды дела, якоже тверже камени, рече; и не восхоте приделывати северной стены и полати, но изнова зача делати. Ту же церковь разби сицевым образом: три древа поставя и конци их верхние совокупив во едино, и брус дубов обесив на ужищи 4посреди их поперек и конець его обручем железным скова, и раскачиваючи разби; а иные стены съисподи подобра и поление подставляя и всю на поление постави, и зазже поление и стены падошася — и чюдно видети, еже три годы делали, во едину неделю и менши развали, еже не поспеваху износити камения; а в три дни, рече, хотяше, развалити. Книжницы же называху брус дубовой бараном; се же, рече, написано, яко сицевым образом Тит Ерусалим разби. Рвы же изнова повеле кстати и колие дубовое бити. Езди же в Володимерь и смотрив пречистые 5похвали дело; рече: «некиих наших мастеров дело». И кирпичную печь доспе за Ондроньевым монастырем, в Калитникове, в чем ожигати, и как делати, нашего Рускаго кирпича уже да продолговатее и тверже, егда его ломать, тогда в воду размачивают; известь же густо мотыками повеле мешати, и яко наутрйе же засохнет, то ножем не мочи росколупити… Обложи же церковь продолговату полатным образом…

На первое лето изведе ея из земли Аристотель. Известь же как тесто густое растворяше, а мазаша лопатками железными; а камень ровной внутри класти повеле; столпы же едины 4 обложи круглы: се, рече, крепко стоят; а в олтаре два столпа кирпичны, те на четыре углы; а все в кружало 6да в правило 7…

Того же лета 8Аристотель пречистые храма по кивоты 9, еже около ея, сътвори; внутри же стен всуцепы 10железные положи яко правила на вретенех 11, и межю столпов, идеже брусие дубовое в наших церквах, то все железно сковав положи…

Того же лета Аристотель колесо сътвори, и вверх камекие не ношаше, но ужищем цепляше и възвлекаше, и верху цепляше малые колесца, еже плотники векшею зовут, еже ими на избу землю волочат — и чюдно видети; на столпы же по 4 камени велики положи, и съвокупив кружало и истеса на них по 4 концы на четырех странах, едино против другаго — и мнети кому, яко на каменых деревьях насквозь каменье то сбито…

Того же лета 12свершена бысть церкви каменая святая богородица. Сътвори же у ней Аристотель верхи четыре, около шеи болшие казну 13сътвори: полати же подле олтарь от сторонних дверей учини, и на верх церкви въсходити лествицу учини; своды же в один кирпичь сътвори и сведе, того ради, егда дождь идет ино каплет. На пятое лето сверши ея. Помост же мелким каменей измости; в олтаре же, над митрополичий местом, крыжь 14лятский истеса на камени за престолом, его же митрополит последи стесати повеле: перед предними дверми помост накры каменем, и в один кирпичь сведе, и середку на гире повеси железной…

В 1475 г. послал великий князь своего посла Семена Толбузина в город Венецию к тамошнему князю с известием, что посла его Тревизана отпустил с большими припасами, серебра пошло — сказал — семьсот рублей. Велел разыскать и мастера церковного. Он (Толбузин) был там, получил большую честь, взял серебро и выбрал мастера Аристотеля. Много, говорил, у них мастеров, но ни один не согласился ехать в Русь; этот захотел и уговорился с ним давать ему по десять рублей в месяц.