Анатолий Фоменко - Забытый Иерусалим. Стамбул в свете Новой Хронологии

Есть еще тамо два места, Баистан реченныя, обведены стеною каменною толстою в две сажени и сверху учинены своды. По четырем воротам ко входу в них есть от них едино место болшое, его же свод учинен на двадесяти четырех столпех, соделанных от тесанаго камени, четвероградных, велми толстых, с каптельми изрядными.

Другое место меньшее, имущее свод свой токмо на 16 столпех, при стене храминки Олмарии около себе имеющий. Такожде и около оных столпов, идеже выкладывают вещи своя алмазники и прочия купцы шолковыя материи, а вне около тех столпов суть великия храмины, в них же сребряники продают своя сребряныя вещи. От тех храмин, иже внутри, с коейждо платят пошлины со всякаго по пятисот червонных на год; с тех же, яже отвне уду — по сту червонных.

Сие же разумей о болшом Баистане, ибо в меншем Баистане, еже имеет свод на 16 столпех, продают токмо полотна и материи бумажныя и мешаныя с шолком. Имеет же в себе четверы ворота двойные; а около его отвне продают пленников различных народов, от них же едины суть уже ученыя в различных работах и стоят особно, иныя, иже недавно в неволю взяты, такожде особно, и паки особно, иже продают мамок, и иных жен такожде особно. Пошлина от тех пленников чинит шестьнадесять червонных золотых откупу на год.

Понеже убо помянухом с прилучня в прежней главе пошлину от пленников и от продажи старых товаров, такожде доход от лавок в Баистанех учиненных, дело достойное возмнелося мне и прочия доходы или пошлины от художников припомнити.

Елико ведать мощно от откупщиков, иже те доходы откуплю<���т> в казне погодно, прежде подобает положити корчемницы или домы корчемныя, в них же продают вино христиан ради [и для турк<���ов> сокровенно, ибо им по закону Махометову заказано вина пити, и егда на кого то объявится, того жестоко жезлением наказуют], а есть тех корчемниц по спискам полтыри тысящи. С них же доходит пошлин на всякой год тритцать шесть кариков. Кийждо карик учиняет червонных златых 1633.

Потом продают рыбу в девяти местех, паче же на брегу заливы морской противо Галаты, и дают от них годовыя пошлины 18 кариков. Есть еще место, идеже продают овес, ячмень, отруби коней ради, такожде муку на хлебы и овощи различныя. От того дают пошлины 14 кариков на год.

Потом от различнаго коренья и товаров, их же во град привозят из пригородков морских, почести от Галиполя даже до Чорнаго моря, идеже бывают складываны с судов морских и еже на ослах и верблюдах привожены бывают, а по том по воли во времена своя во град положены бывают, учинит пошлины 180 кариков на год.

Еще места за градом, названным Ятки, идеже различной скот бьют, устроенной во граде на розныя места привозят. Числом тех мест десять, а поставлены суть на розных местех подалеку едина от другиа. Те сотворяют годоваго доходу 32 карика. Великий же наипаче прибыток бывает в дву месяцех: в октябре, в ноябре — ибо в те времяна наипаче пригоняют скот из венгер, из волохов и от стран Славенских.

Ибо в это время общий народ пищу себе на весь год готовят, иныя сушат, иныя солят, и мяса свиныя всякий христианин на свою потребу и пропитание приготовляет [ибо турки не ядят свиного мяса]. Бывает сия волныя продажи двадесять четыре дни. И в то время мясником не велено ничтоже купити, дабы народ общий доволство свое исполнил. И не дают тогда толикия пошлины, яко во ино время. И тако во оное малое время, донеле же тот волной торг бывает, приводится до 20 000 волов, 40 000 баранов, еже все общий народ раскупят.

Есть еще пошлина и доход на султана от продажи вещей недвижемых, еже есть кто продаст дом, или пашню, или огород, еже около Константинаграда [ибо уезд его считается на 18 миль италийских]. К тому еще считается продажа судов, по морю ходящих. Егда кто продаст корабль или каторгу малую или болшую, должен кийждо дать, егда денги емлет, ото ста золотых два золотых на султана.

Такожде и те, иже литкуп судят, от того своего прибытка, еже от литкупа возмет, должны суть дать от ста пулов един пул пошлины султану. Инако же, аще бы уведал откуду инуду зборщик пошлины, иже в казне откупает, егда сами те не сказали, за то бывают жестоко наказани по воле и постановлению того зборщика. Бывает таковых пошлин, иже от продажи вещей недвижимых, 14 кариков на год.

Есть еще пошлина и от голов человеческих, иже морем из града выезжают. И невозможно ни единому судну от берега двигнутися, даже первое зборщики пошлинный то судно осмотрят и уведают, кто едет, и куды, и что везет с собою. И аще есть турок, должен дати от себе одну аспру, аще же христианин или жид, то две аспры от главы. Паче же тамо дозирают, дабы кто пленника, или неволника какого не вывез, или должника бегающаго. Сего доходу бывает 4 карика на год.