Хрестоматия по истории СССР. Том1.

«Акты, относящиеся к истории западной России», т. IV, № 180, стр. 314–317.

Отказ [ответ] наяснейшего Жикгимонта третьего, божьего милостью короля Польского и великого князя Литовского, Московского господарства бояром, околничим, дворяном, дьяком, думным и всим станом, на артыкулы и прозбы их:

1. Написали есте: кгды даст бог великий господарь король его милость в Московском господарстве и на всих преславных и великих господарствах Российских захочет великим господарем царем и великим князем учинити сына своего Владыслава, абы его милость великий господарь царь и великий князь на Московское господарство короновался або венчался венцом царским и диядемою, в Москве, от руки патрыарха Московского, стародавным обычаем, як прошлые великие господары Московские на преславное господарство Московское короновалися. — На то его королевская милость позволяти рачит [146]кгды господь бог волю и час свой за успокоеньем досконалым того господарства пошлет.

2. Абы святая православная греческая вера и святая апостольская церковь мела свою целость и красоту по первшому и в апостольских и вселенских научителев науце и поданью ни в чом не нарушена была, и абы учители римские и люторские и иных вер розорванья церковного не чинили: а которые римские веры люди захочут приходить до церкви греческое веры, тые абы приходили со страхом, яко пристоит правдивым християном, а не гордостью и не в шапках, и псов бы с собою не водили в церковь и не водлуг часу 2в церкви не седели. — И на то его королевская милость позволяти рачит: ведьже, им для людей римское веры потреба меть костел, яко о том еще за Бориса мовы были, а при том костеле капланов 3або попов лядских и о том с патрыархом и со всим господарством и с бояры думными намова 4быти мает, абы людей католицких костел хотя один мог быти в месте стелечном Москве, для набоженства людей польских и литовских; при которых естли бы з руских людей кому быти трафилося, абы с такою же учтивостью в костеле яко и в руских церквях справо-вался. Отводити теж от греческой веры в римскую и ни в которую иную веру король его милость и сын его королевской милости не кажет; кгдыж вера есть дар божий, и никого от веры силою отводити альбо примушати 5не годится, але русину русская, а польским и литовским людем лядская вера вольна быти мает.

3. Целбоносные гробы и тела святых король его милость яко истинный господарь християнской с сыном своим у великой учтивости мети хочет. Патрыарха теж Московского, также митрополитов, архиепископов, епископов и весь духовный стан хочут шановати 6и в милости ховати 7, так як римского костела архиепископов, епископов и всих капланов, слуг божиих шануют и милуют. В справы теж духовные вдаваться не будут, и в духовные дела мимо уставы отцов святых и апостольской церкви вступоватися не хочут; а хто чого не достоин и иных вер людей на духовный стан епископства господарь его милость подавати не будет.

5. Бояр и окольничих и всяких думных и ближних и приказных людей господар его милость хочет мети в учтивости и в ласце своей господарской, яко хто годен и яко было с початку, и звычаи всей давные добре хочет заховати: а жалованье, денежные оброки, и поместья и отчизны, хто што мел перед тым, тое и вперод мети мает, а господарь его милость з ласки и щодробливости своее, и над то водлуг заслуг 8кождого прибавляти и причинятися будет рачити.

6. Служивым людем, дворяном и детям боярским господар его милость господарское жалованье давати велит з четверти кождого году, водлуг звычаю давного; а естли што прибавлено не от властных господарей и не водлуг их достойности, або естли у которых убавлено без вины; о том господар его милость будет рачити нарадиться 9и намовити з бояры думными, и якая рада альбо намова их будет, его господарская милость так в том поступовати будет рачити яко ся годит, и льготу теж где спустошены отчизны и поместья учиняти будет рачити, нарадившися з бояры; а дворяном и детем боярским, которые жалованье господарское берут з городов, господар его милости давати им жалованье господарское кажет водлуг службы, як перед тым бывало за перших господарей.

7. На Москве и в городех ружником и оброчником, которые при первших великих господарех для их службы бывали в Москве и в городех, жалованье денежное и хлебное господар его милость давати велит, по первшому, з господарской казны.

8. Суды мають быти сужены и отправованы водлуг звычаю и Судебника; а будут ли хотети в чом поправы для укрепленья судов на справедливости, ино тое вольно будет бояром и всей земли, а господар его милость поправы судом позволяти рачит, што бы было до святое справедливости потребно.